Il y a 1 notes dans les archives du XVII ème Siècle.


Le critère de recherche était: [Collégiale Saint Martin]

Note(s)
Note N° : 415
Descripteur connexe de cette note : [Feautrier,298]
Descripteur connexe de cette note : [Bernard,740]
25-10-1604, Jacques Ferré, f°463 r° N°415 Rapport de la visite de l'église Sainct Martin de Sainct Remy L'an mil six centz quatre et le vingt cinquiesme jour du moys d'octobre, ont rapporté à moy notaire royal soubzsigné, Honorat Bernard et Loys Feautrier, Me maçons de la présente ville de Sainct Remy, que, suivant le commandement à eulx faict par Monsieur le lieutenant de Sénéchal au Siège d'Arles, commissaire en ceste partie, dépputé par la souveraine Cour de parlement de Provence, à visiter les églises et hospitaux de son ressort et serment par eulx presté entre ses mains, avoir bien et deuement veu, palpé et visité l'église collégialle Sainct Martin de ladicte ville de Sainct Remy et treuvé le corps d'icelle qu'il est besoing et nécessère de le cimenter et battuner pour empécher l'eau ne pénetre et entre dedans comme y entre pour peu de pluye qui face, davantaige reffaire les encoules de dehors ladicte église, pour remettre en place les pierres que les figuiers et autres arbres par sucession du temps ont sépparé, plus le dessus des chapelles du cousté du midy, les fault desbarder à cause de la corruption faicte par la mords des herbes et autres choses qui puis longtemps ont prins possession, estant la pierre desjoinctée. Item, ont veu les vittres presque toutes rompues et les piedz droitz et montantz pourtant le remplissage desdictes vittres sont rompus et les fault faire de neufz. Ce faict, ont jugé que toutte ladicte besoigne se pourra monter à la somme de troys centz livres, sauf lesdictes vittres que n'y ont touché pour n'estre de leur art et ainsi ont procédé suivant Dieu et leurs conscience, et deus conferant ensemble. Par foy de quoi se sont avec moy dict notaire soubzsignés. A Sainct Remy, le an et jour que dessus. Honorat Bernard marque L F dudit Feautrier Ferré, notaire (recueilli le 27-03-1986)