Il y a 6 notes dans les archives du XVI ème Siècle.


Le critère de recherche était: [Mas de Nierne]

Note(s)
Note N° : 6
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (2) de,27]
Descripteur connexe de cette note : [Saint-André Loyse de,22]
Descripteur connexe de cette note : [Mistral François de,15]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Baulmes de,204]
Descripteur connexe de cette note : [Romanin,1]
Descripteur connexe de cette note : [Dutruel,215]
Descripteur connexe de cette note : [Mignot,168]
Descripteur connexe de cette note : [Alméran d',156]
29-04-1570, JehanBadinenc, f°253 r° N°6 Donation pour Paul de Mistral, Sr de Croses L'an mil cinq cens septante et le vingt neufviesme jour du mois d'avril, régnant le très nostre Charles, par la grâce de Dieu, Roy de France, Comte de Provence, Forcalquier et Terres adjacentes, procédant moy, notaire royal estably à la présente ville de Sainct Remy, et en présence des tesmoingtz soubz només. Personnellement establie Damoyselle Catherine de Mistral, Dame de Romanil, de ladicte ville de Sainct Remy, laquelle se sovenant de la bonne vollonté et amour que feu François de Mistral, son frère, en son vivant Sr de Don, luy a toujours porté et de plusieurs grandz faveurs et plaisirs que luy a faict, mesmes que se soyt venu retirer dans la maison de ladicte de Mistral, en laquelle il auroyt fini ses jours ......?...... que en son immitation, Pol de Mistral, son fils unique et héritier fera et continuera de bien en mieulx et pour la grande amour qu'elle lui porte, tant par le respect de son dict feu père que, aussi, pour ce que est son plus proche parent et de son sang, portant son surnom et armes, auroyt faict son testement par lequel jcelle Dame de Mistral l'auroyt institué son héritier universel con....? ...?... bonne vollonté et recognoissant plusieurs ....?... et bons services que Damoyselle Loyse de Sainct André, sa belle-soeur, mère dudict Pol et vefve dudict feu François, son dict frère, luy a toujours faict et ne cesse journellement de fere et afin que ledict Pol, sa dicte mère recognoyssent par effet de bien en mieulx sa bonne vollonté, et que pour l'advenir ne puysse avoyr aucun procès, question ne débat entre ses aultres parens qui pourroyent préthendre aulcun droict ou susseption à l'advenir sur les biens et héritaige de ladicte Dame de Mistral, laquelle de son bon gré, pure, franche et liberalle vollonté pour elle et les siens et que ainsi luy plait, a donné et par ces présentes donne par pure, simple, ferme et irrévocable donnation et que se dict estre faicte entre vifz, audict Pol de Mistral, seigneur de Croses, son dict neveu bien aymé, combien que soyt absent, ladicte damoyselle de Sainct André, sa dicte mère et tuteressse présente, aceptante, avec moy, notaire royal soubzsigné, pour ledict Pol de Mistral estippulantz, tous et chacuns ses biens meuble, immeuble et par soy mouvement, noms, droictz et dactions quelconque présent et advenir assis et scitués tant dans la présente ville de Sainct Remy, son terroyr que ailleurs en quelque part, lieu ou plasse qu'ilz puissent estre assiz et scitués et que de présent lui compectent et appartienent et que en temps de son trespas luy pourront compecter et appartenir en fasson et manière quelconque pour d'iceulx en fere à son playsir et vollonté tant à la vie que à la mort. Saufz toutesfois que ladicte Dame de Mistral donnatresse c'est réservé et réserve par pache de présent tout et chacun les fruictz et usufruictz de tous lesdicts biens dessus donnés pour jceulx prendre et jouir et en fere à ses plaisirs et vollonté sa vie durand, tant seulement vollant que incontinent après son descès lesdicts fruitz soient consolidés à leur propriété au prouffict et valleur dudict Pol de Mistral, donnataire. Et aussi ladicte Dame donateresse s'est réservé et réserve sur lesdicts biens donnés la somme de mil florins par elle légués en son dict testement receu par M° Pierre Granier, notaire royal d'Eyguières, tant pour son âme que causes pieuses. Pareilhement s'est réservé ladicte Dame et réserve sur lesdicts bien dessus donné la somme de six cens livres tournoys pour en disposer à ses plaisirs et vollontés. Semblablement aussi ladicte Dame s'est réservé et réserve ung sien petit mas qu'elle a acquis des Mignotz, lequel tient de présent en arrantement de ladicte Dame Mathieu de Tharascon, avec son ténement et aultres terres par ladicte Dame acquizes de plusieurs particulliers, joignant audict affar, et que sont assis et situés à Nyerne, terroir dudict Sainct Remy, et quoi que contiennent, confrontant du levant le terroyr de Romanyl, du midy les callans, de couchant et bize terre des Almérans, Hugues et Jehan Dutruel, Thomas Mignot et aultres particuliers dudict Sainct Remy et ses aultres confrons plus véritables si peut en avoir, pour d'icelluy mas, terres et affar en disposer à ses plaisirs et vollonté. Et par semblable donnation que ce dict estre faicte entre vifz, ladicte Dame, donnateresse, a donné et donne à ladicte Damoyselle de Sainct André, sa belle-soeur, présante et acceptante, sa despance de vie et entretenement, sur les biens dessus donnés, ensemble, sa demeurance dans sa maison neufve, tant que ladicte Damoyselle de Sainct André vivra en viduyté seullement. Desquelz biens dessus donné, ladicte Dame de Mistral, donnateresse, avec les réservations susdites, s'est démise et démest et ledict Pol de Mistral, donatère, en a immiscé et mis et fait en bonne et vallable possession par touchement des mains de ladicte de Sainct André, sa dicte mère et tuteresse, à la manière accoustumée. Faict et publié audict Sainct Remy et dans la maison de ladicte Dame, en présence de Messire M° Balthazard de Baulmes, chanoyne de l'églize collégiale de Sainct Martin, noble homme Nycollas Romyeu, recepveur pour le Roy au Siège d'Arles, habitant dudict Sainct Remy, George de la Coronne, escuyer, homme d'armes à la compagnie de Monseigneur le Comte de Laudun (?) de Donsère, tesmoings à ce appellés qui se sont soubzsignés et moy, nothaire royal
Note N° : 357
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Don Seigneur ou Dame de,78]
Descripteur connexe de cette note : [Romanin,1]
11-05-1581, Aymes Bertrand, f°211 v° N°357 Arrentement pour la Dame de Don contre Rolet Coron ... Roullet Couron ..... mas, terre et affar ... appellé de Nierne (hérité de Catherine Mistral, dame de Romanin)
Note N° : 363
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral François de,15]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Romanin,1]
Descripteur connexe de cette note : [Dutruel,215]
Descripteur connexe de cette note : [Mignot,168]
17-03-1573, Aymes Bertrand, f°144 v° N°363 Donnation pour Damoyselle Loyse de Sainct-André, dame de Don ... establie en personne noble Catherine de Mistral, dame de Romanin, habitant de ladicte ville, laquelle auroit dict et exposé à mondict Sr le juge, considérant, comme elle a dict, la grand amour, singullière affection et bonne volonté que Dlle Loyse de Sainct-André, dame de Don, sa belle-seur, vefve à feu noble François de Mistral, en son vivant seigneur dudict lieu de Don et frère de ladicte dame, luy a tousiours pourté et pourte, les bons et agréables services qu'elle luy a tousiours faictz, tant du vivant dudict Sieur de Don, son mary, que depuis son trespas, et ne cesse de fere, ne s'estant vollue remarier, ains se serait tousiours tenue avec ladicte dame, s'employant fidellement après sa personne et affaires en sorte que ladicte Damoyselle de Sainct-André mérite d'estre recogneue et récompensée, ce que de long temps ladicte dame auroit délibéré fere. Considérant aussi ladicte dame de Romanin, et estant bien mémoratifve, ainsi qu'elle a dict, que par le contract de donnation par elle faicte à noble Paul de Mistral, seigneur de Croses, son nepveu bien aymé, filz dudict feu François de Mistral et de ladicte Damoyselle, receu par feu Me Jehan Badinenc, en son vivant notaire dudict Sainct Remy, et jcelle Dame se seroit expressement retenue et réservée le mas par elle acquiz des Mignotz, avec tout son affar et ténemens, pour d'iceulx fere et disposer à son plaisir et volonté.(29-04-1570, Jehan Badinenc, f°253 r°) Pour lesquelles causes ... ladicte Dame Catherine de Mistral auroit résolu ... fere et passer donnation à ladicte dame de Don des fruictz du dict mas, son ténemens et affar, pour en tenir après son trespas lesdictz fruictz, tant que ladicte dame de Don vivra, et après son trespas, lesdictz fruictz estre consolidés avec la propriété que fere et veult que soit et appartienne audict Sr de Croses, sondict nepveu ..... ... ledict mas et affar appellé des Mignotz, avec tous son ténement et appartenances, quoy qu'ilz contiennent, acquis par ladicte Dame de Mestrail, tant desdicts Mignotz que plusieurs aultres particuliers ... assis et scitué au terroir dudict Sainct Remy, lieu dict à Nyerne, confrontant du levant le terroir de Romanin, du midy les calans, du couchant et bise les terres des Almérans, Srs Hugues et Jehan Dutruel, Thomas Mignot et autres .....
Note N° : 364
Descripteur connexe de cette note : [Mas de Virasolle,20]
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
Descripteur connexe de cette note : [Mas du Château,19]
Descripteur connexe de cette note : [Mignot,168]
Descripteur connexe de cette note : [Maurizet,419]
02-01-1563, Jehan Badinenc, f°22 r° N°364 Arrentement pour Damoyselle Catherine de Mistral, dame de Romanyn contre Loys et Jacques Moriset ... establye en sa personne Damoyselle Catherine de Mistralh, dame de Romanyn, laquelle ... a arrenté ... à Loys et Jacques Moriset, frères, laboureurs habitans de Sainct Remy, assavoyr est trois mas de ladicte dame, l'ung appellé le Mas du Château de Romanyn, le mas appellé de Nyerne que ladicte dame a acquiz des Mignos assiz dans le terroyr de Sainct Remy et le mas appellé de Virasolle, terroyr de Romanyn, quant que contiennent avec leurs confrons deuement confrontés et ce pour le temps de 6 ans et 5 gosides de tous trois ..... ... et ce moyenant et à la trante quart au mas du Château et de Nyerne ... à la tierce part et c..?.. moytié ..... (guère lisible)
Note N° : 366
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
10-08-1564, Jehan Badinenc, f°543 r° N°366 Arrantement pour Damoyselle Catherine de Mystral, dame de Romanin, contre Mathieu Tarascon ... establye en sa personne Damoyselle Catherine de Mistral, dame de Romanin, laquelle ... a arranté ... à Mathieu Tarascon, laboreur habitant de la ville de Sainct Remy ... le mas, terres et affar appellé de Nierne, terroir de Sainct Remy ... pour le temps et space de 6 ans et 6 gausides et à la rante de la quarte part de tous et chacuns les bleds, segles et autres grains .....
Note N° : 367
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
Descripteur connexe de cette note : [Monnard,398]
12-04-1565, Jehan Badinenc, f°281 r° N°367 Prisfaict pour Damoyselle Catherine de Mistral, dame de Romanin, contre Henry Monard ... estably en sa personne Me Henry Monard, fustier de Sainct Remy, lequel ... a promis ... à Damoyselle Catherine de Mistral, dame de Romanin ... de bien et deuement couvrir une vanade que ladicte dame a faict fere et édiffier à son mas appellé de Nyerne .....