Il y a 8 notes dans les archives du XVI ème Siècle.


Le critère de recherche était: [Gérente Blanche de]

Note(s)
Note N° : 133
Descripteur connexe de cette note : [testaments,201]
Descripteur connexe de cette note : [Renaud de,214]
Descripteur connexe de cette note : [Grimaldy de Bueil,314]
22-11-1580, Aymes Bertrand, f°264 r° N°133 Testement de Damoyselle Sibille de Raynaud, femme du seigneur de Bueil ... establye en personne, Damoyselle Sibille de Raynaud, femme à noble François de Grimaud, escuyer, Seigneur de Bueil, habitant dudit Sainct Remy, laquelle ... voullant son corps estre ensepvelly dans l'église collégialle Sainct Martin et dans le tombeau où est ensepvelly feu noble Jean de Reynaud, quand vivoit gouverneur de Grandville, son père ... lègue ..... à noble Dame Blanche de Gérente, sa très honnorée dame et mère ..... à Damoyselle Marguerite de Reynaud, sa soeur, femme à Honnoré de Borrilhon, escuyer, Seigneur d'Aspremont à Damoyselle Blanche de Borrilhon, sa filhe légitime et naturelle et de feu noble Estienne de Borrilhon, escuyer d'Aspremont, son premier mary ..... à noble François de Grimaud, escuyer, Seigneur de Bueil, son très honnoré et très aymé seigneur et mary ..... à Honnorat de Grimaud, escuyer, son fils légitime et naturel et dudit seigneur de Bueil, ensemble à son ventre et posthume ..... héritier universel, Sipion de Grimaud, escuyer, son filz ayné, légitime et naturel et dudit seigneur de Bueil .....
Note N° : 135
Descripteur connexe de cette note : [Renaud de,214]
Descripteur connexe de cette note : [sobriquets,287]
20-05-1559, Jehan Badinenc, f°322 r° N°135 Quittance pour Damoyselle Blanche Jérente faicte par Me Jean Langue, dict l'antique, vitrier, habitant de la cité d'Avignon ... en la somme de 36 florins et 8 souls tournois et ce, pour 100 pans de vitries à 3 souls et demy le pan carré qu'il a faict et pausé aux fenestres de la chapelle dudict feu Seigneur de Renaud, que pour 4 armories mises auxdites vitries à 20 souls la pièce et 10 souls pour ung retaulle de Sainct Jérhôme pour metre au devant l'entrée de ladicte chappelle, se montant le tout à ladicte somme de 36 florins 8 souls ..... ... faict en la maison des heoirs dudict feu Seigneur de Renaud, en présence de Pierre Berrard, fils de François, et Estienne Cordurier, habitant dudict Sainct Remy ..... (note du Dr Leroy)
Note N° : 136
Descripteur connexe de cette note : [Puget de,53]
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral François de,15]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
27-05-1559, Jehan Badinenc, f°337 r° N°136 Quictance pour Damoyselle de Jérente, faicte par Damoyselle Loyse de Sainct André, vefve à feu François de Mistral ... quatre escus d'or sol et ce, pour le prix et vante d'une pelisse de menus vers vandue par ladicte Damoyselle de Sainct André à ladicte Damoyselle Jérante pour faire la robe de deul de ladicte Jérente ..... ... faict ... en ladicte ville de Sainct Remy, dans la maison de Damoyselle Catherine de Mistral, dame de Romanil, en présence de Laurens Perrier et Pierre Puget, escuier dudict Sainct Remy ..... (note du Dr Leroy)
Note N° : 138
Descripteur connexe de cette note : [Renaud de,214]
Descripteur connexe de cette note : [Rampalle,43]
11-09-1559, Jehan Badinenc, f°587 v° N°138 Quictance pour Anthoine Roget contre Blanche de Jérente ... Anthoine Roget de Sainct Remy ... confesse avoir eu de Damoiselle Blanche Jérente, femme de Messire Jehan de Renaud, gouverneur de Granville, ou bien vefve d'icelluy ... 14 escus d'or sol et des propres deniers de ladicte Damoiselle Jérente, et ce, pour fournir et frayer aux despens que ledict Anthoine Roget fera au voyage qu'il promet à ladicte Damoiselle fere au pays de Flandre, Eynaud, Liège et Barban aux fins de treuver nouvelles seures dudict Sieur gouverneur qui est encores prisonniers entre les mains des ennemys puys le siège et prinse de Sainct Quentin dernier ainsi que ladicte Demoyselle a esté asseuré par ung nommé le Piccard, jadis serviteur de Monsieur de Mouriès, lequel Piccard en présence de plusieurs gens de bien, a dict et asseuré avoir veu, puys quatorze moys en ça, ledict Sieur gouverneur estant prisonnier dans ung chasteau audit pays de par là. Lequel a offert à ladicte Damoiselle aller audict lieu, avec un home pour bien fere, parler audict sire, de quoy ledict Roget s'est offert ..... Faict à Sainct Remy en présence de Hugues du Trège et Anthoine Rampalle, chaussatier ..... (note du Dr Leroy)
Note N° : 139
Descripteur connexe de cette note : [Puget de,53]
Descripteur connexe de cette note : [Renaud de,214]
Descripteur connexe de cette note : [Fournel,217]
Descripteur connexe de cette note : [sobriquets,287]
Descripteur connexe de cette note : [Nostredame de,128]
07-11-1560, Jehan Badinenc, f°732 r° N°139 Quictance pour Anthoine Roget contre Damoyselle Blanche Jérente ... Anthoine Roget, dit Joncades ... a receu de Demoyselle Blanche Jérente, femme de Monsieur Me Loys de Puget, Seigneur de Fuvaux, conseiller du Roy et son président en la Court souveraine de Parlement de Provence, absente ... 24 florins ... pour reste et autre payement des dépens, vacations, paynes et travaulx, par ledict Roget, frayés et endurés au voyage par luy faict au pays de Flandres par le commandement de ladicte Damoyselle Jérente pour scavoyr des nouvelles de feu Messire Jehan de Reynauld ... somme receue par les mains de Me Huguets Fournel, viguier de Sainct Remy, 16 florins en 4 escus receus en la présence de moy, notaire, et des témoins et 8 florins de Bertrand de Notredame avec le présent acte. Faict audict Sainct Remy et maison de Me Fournel, en présence de Me Pierre Espigol et Michel Carrat .... (note du Dr Leroy)
Note N° : 142
Descripteur connexe de cette note : [Renaud de,214]
30-10-1558, Jehan Badinenc, f°583 r° N°142 Quictance pour Damoyselle Blanche de Jérente faicte par Jehanne Bernarde ... somme de 36 florins ... pour le complément des gages deus à ladicte Bernarde de tout le temps qu'elle a servi ladicte Seigneur et Demoyselle pour baillé et luy avoyr alletté Françoise de Reynauld, filhe desdicts Seigneur et Damoyselle, mariés ... faict à Sainct Remy, en la maison dudict Seigneur, en présence de Claude Fine et Jehan Roulx (Note du Dr Leroy)
Note N° : 232
Descripteur connexe de cette note : [Renaud de,214]
Descripteur connexe de cette note : [Fournel,217]
14-06-1558, Jehan Badinenc, f°332 v° N°232 Procure pour Damoyselle Blanche Jerante contre Me Fournel ... establye Damoyselle Blanche Jerante, femme de Messire Jehan de Reynauld, chevalier, gouverneur de Grandville, cappitaine de la tour de Sainct Jean de Marseille et procuratrice d'icelluy comme appert de sa procuration receue par moy soubzsigné, le 06-06-1557, s'il est vivant, et au cas comme soit descédé au siège de Sainct Quentin dernier, comme mère et administrateresse des personnes et biens des enfans dudit Sieur de Reynauld, laquelle ... a faict et constitué son procureur général et spécial Monsieur Me Hugues Fournel, viguier de Sainct Remy ..... (note du Dr Edgar Leroy)
Note N° : 315
Descripteur connexe de cette note : [Beuf,238]
Descripteur connexe de cette note : [Renaud de,214]
Descripteur connexe de cette note : [fours à pain,251]
Descripteur connexe de cette note : [Cappeau,202]
Descripteur connexe de cette note : [Blanc,389]
Descripteur connexe de cette note : [Pellissier,213]
Descripteur connexe de cette note : [Rue Saint Martin,277]
21-01-1574, Aymes Bertrand, f°39 v° N°315 Partaige de maison faict et passé entre Damoyselles Marguerite et Sibille de Raynaud, soeurs ... comme soyt que lesdites damoyselles de Raynaud ayent partaige et division de tous et chacuns leurs biens qu'elles avoyent par commun indivis comme filles et héritières à feu noble Jehan de Raynaud, escuyer et gouverneur de Granville, excepté que dez maisons, estable et autres bastimentz qu'elles ont assizezs dans la présente ville de Sainct Remy, desquelles maisons lesdites de Raynaud auroyent donné charge expresse à François de Bueil, escuyer, Sieur de Laval, et Honnoré de Borrilhon, escuyer, Sieur d'Aspremont, leurs maris respectivement en faire partaige, division, ce qu'ilz auroyent faict le commodément que leur soyt esté possible ... en la manière que s'ensuyt ..... Et premiérement est advenu à la part de ladite damoyselle Marguerite de Raynaud une partye de la grand maison dudit feu Sieur de Raynaud assize dans ladite ville de Sainct Remy et du costé du midy, ainsi que prent la muralhe touchant le grand bardat, le coing de la maison commune de ladite ville de Sainct Remy et la muralhe joignant la salle basse de ladite maison de hault en hault, laquelle partie de maison confronte du levant ladite maison commune dudit Sainct Remy et le fourt d'jcelle, du couchant et midy les rues publicques, de bise l'autre part et le reste de ladite maison advenue à ladite damoyselle Sibille de Raynaud ... etc... Et à la part de ladite damoyselle Sibille de Raynaud est advenue l'autre part et reste de ladite grand maison et du cousté de bize, confrontant du levant les maisons de la ville et communauté dudit Sainct Remy, des heoirs de Gabriel Cappel filz Pierre et de Gervays Blanc, du couchant la rue publicque, du midy ladite part de ladite maison advenue à ladite damoyselle Marguerite de Raynaud, ainsi que prant et va ladite muraille jusque ledit grand bardat et le coing de ladite maison commune, de bize la maison dudit Gervays Blanc, laquelle part est comprinse la salle basse de ladite maison joignant ledit bardat d'hault en hault, demeurant la muralhe qu'est entre deux en commun entre lesdites damoyselles de Raynaud, les portes et fenestres de laquelle muralhe ladite damoyselle Marguerite de Raynaud sera tenue fere fermer bien et debmement à ses despens Item est advenu à ladite damoyselle Sibille de Raynaud une autre maison appellée le tinal, assize dans ladite ville de Sainct Remy et à la rue appellée (blanc) confrontant du levant et midy ladite rue, du couchant et bize maison de damoyselle Blanche Jarente, leur mère, et des heoirs à feu (blanc) Marroc et de Sire Françoys Berard par luy acquit desdites à novel baille [ou Nouel Bailly ] Item est advenu à ladite damoyselle Sibille le grand estable que tient à présent Privat Beuf dudit Sainct Remy, avec les cours y jougnantz, assiz dans ladite ville et à la rue appellée de Sainct Martin, confrontant du levant maison de Jacques et Jehan Pellissier, frères, du couchant maison de François Goutellan et du midy ladite rue, de bize une autre rue .....