Il y a 4 notes dans les archives du XVI ème Siècle.


Le critère de recherche était: [Prieuré Saint Pierre]

Note(s)
Note N° : 437
Descripteur connexe de cette note : [Barrel,313]
Descripteur connexe de cette note : [George,368]
Descripteur connexe de cette note : [Dutruel,215]
Descripteur connexe de cette note : [Blondet,223]
Descripteur connexe de cette note : [Alméran d',156]
Descripteur connexe de cette note : [Baulmes de,204]
31-12-1563, Jeran Badinens, f°10 v° N°437 Prisfaict pour Jehan Callier et aultres contre Me Aymes George L’an mil cinq cens soixante quatre à la nativité Nostre Seigneur et le pénultième jour du moys de décembre, estably en sa personne Me Aymes George, fustier de Sainct Remy, lequel pour luy et les siens a promis et promet aux.Sieurs Jehan Callier, Huguetz du Truel, Claude Blondet et Johachim Fernays dudict Sainct Remy, présentz pour eulx et les leurs, fere parfere et édiffier des bancs à doucier avec codière et s... au devant et devant lesdictes codières et planches de dessous tout alentour de la chapelle Sainct Pierre d.. la ..... au bas et jceulx fere des ornemens de la haulteur de six pans avec une corniche au dessus et les codières et bancs de la haulteur nécessaire et faire au myllieu troys cadières et jcelle du myllieu plus haulte que les aultres le tout du boys de sappin bon et souffizant boys. Et ce pour le pris et à raison de deux escus de pistolles vallant 48 soulz la pièce la canne et se canera tant plain que vuyde ormis la partie alentour de la chapelle que ne se canera poinct, de laquelle somme et pris ledict Aymes George .etc...... ... faict audict Sainct Remy et dans ladicte chappelle en présence de Sr Jacques Alméran, Mre Balthezard de Baulmes, chanoyne, et Vallentin Barrel, tesmoings à ce appellés ..... (signalé par Henri Rolland)
Note N° : 438
Descripteur connexe de cette note : [Baulmes de,204]
07-02-1564, Jehan Badinenc, f°151 r° N°438 Prisfaict pour Mre Balthezard de Baulmes et aultres contre Me Jehan Chamyel, peintre L’an mil cinq cens soixante quatre à la nativité Nostre Seigneur et le septiesme jour du moy de febvrier, estably en sa personne Me Jehan Chamyel, peintre de la cité d’Avignon, lequel pour luy et les siens a promis et promet à Mre Balthezard de Baulmes, Jehan Callier et Joachim Farnays, présents, pour eulx et les leurs de bien et deuement peindre la chappelle de Sainct Pierre, tant à la voulte et le dessoubz de la tribune de noyr semé de larmes d’estain et despuys l’auteur des bancs jusques au postain rampli d’istoires de la passion de blanc et noyr et au dessoubz du grand arc fere une frise toute remplie d’oucemens de mortz et de hault en bas et de bas en hault et despuys ledit arc jusques à l’autre peindre des Cibilles ou prophetes ou ainsi que bon semblera auxdits de Baulmes, Callier et Farnays et despuys les Cibilles au bas peindra de grisaille avec pilliers, bien et deuement le tout et de bone peinture. Et ce pour le prix et somme de 15 escus de pistolle vallant 48 soulz pièce .etc... (signalé par Henri Rolland)
Note N° : 439
15-06-1576, Anthoine André, f°181 r° N°439 Soubz arrantement du prieuré de Sainct Pierre faict par Sires Nycolas et Pierre Robertz, Pierre Bastide et Estienne Guy S... à Me Gabriel Bernard, masson L’an mil cinq cens soixante seze et le quinziesme de juing, par devant moy Anthoine André, notaire royal, et tesmoings à la fin descriptz, estably Sire Nycolas Robert, bourgeois du lieu de Noves, lequel tant en son nom propre qu’aux noms de Sires Pierre Robert, son frère, Pierre Bastide et Estienne Guy S..., aussi bourgeois et rentiers du prieuré et re... ..... que le Sire Révérendissime arcevesque d’Avignon prens au prieuré de Sainct Pierre en la ville de Sainct Remy, a bon gré a promis leur faire bayer et rattiffier à présens ..... dans six jours prochains de son bon gré ............ avec promesse de faire avoir et tenir à Me Gabriel Bernard, masson de la ville de Sainct Remy, présent et acceptant .....
Note N° : 440
Descripteur connexe de cette note : [Nautet,308]
Descripteur connexe de cette note : [Baulmes de,204]
12-11-1593, Pierre Badinenc, f°481 r° N°440 Prixfaict pour Mgr le Revérendissime archevesque d’Avignon contre Me François Nautet, masson L’an mil cinq cens nonante troys et le douziesme jour du moys de novembre, avant midy, par devant moy notaire royal en la présente ville de Sainct Remy soubzigné et en présence des tesmoings cy après nommés, estably en sa personne Me Françoys Nautet, masson dudict Sainct Remy, lequel, de son bon gré pour luy et les siens, a promys et promet à Monseigneur l’Illustrissime et Révérendissime archevesque d’Avignon ..... stipullant et acceptant de luy fere et ediffier dans la salle ..... de la maison du prieuré Sainct Pierre dudict Sainct Remy troys arcs de piere de talhe de ..... ung de ..... et l’autre deux, qui s’appuyent sur un pillastre aussi de piere de talhe bon et suffisant et s’appuyant l’ung contre la salle de la maison dudit prieuré Sainct Pierre et l'autre contre la muraille commune entre ledit prieuré et Sieur Balthazar de Baulmes .....