| Note(s) | | Note N° : 158 |
Descripteur connexe de cette note : [Baulmes de,204] | Descripteur connexe de cette note : [Fabre,179] | Descripteur connexe de cette note : [Pénitents blancs,185] | Descripteur connexe de cette note : [Garcin,165] | 01-05-1590, Gervais Cappeau, f°318 v° N°158
Priffaict pour la Compagnie des pénitens blancs de ceste ville de Sainct Remy contre Me Anthoine Rollet, Benoict Coton et Pierre Porte, massons de ladite ville
L'an mil cinq cens quatre vingtz dix et le premier jour du mois de may, environ cinq heures après midy, establis, Me Anthoine Rollet, Benoict Cotton, Jean Mollard et Pierre Porte, massons de ceste ville de Sainct Remy, lesquels de leur bon gré pour eulx et les leurs, ung pour l'autre et le seul pour le tout, sans divizion, ont promis et promettent à la Compagnie des pénitens blancs de ladite ville, Syre Jehan Guarcin, recteur, Me Poncet Fabre, trézorier, et Sieur Balthazard de Baulmes de ladite Compagnie et ayant charge, présans et accep-tans, avec moy notaire pour icelle, de fere la besougne de massonnerie, pour ladite Compagnie qui s'ensuit :
En premier lieu une crotte prenant puis le ...?... de la première porte de la rue jusques à la première chapelle regardant du levant et couchant, de pierre de tailhe de l'auteur qui sera congrue et admise estre nécessaire et en après, la barder par dessus de bons bards bien joinctés luy balhant la pente que besoing sera, soit à ung ou à deux eiguoutz, aux quelz ..... plus ..... et ...... à la crotte de sept flourins la canne carrée et de quarante sols pour raison du bardat ..... et que ladite compagnie fera porté la terre que sera besoing sur ladite crotte à ses despans et lesdits priffachiers founiront toute la pierre, chaux, sable et autres attraicts nécessaires aux .....
– Item, feront une murailhe du cousté du midy de pierres neuves, chaux et sable de trois pans d'espesseur pour servir à soustenir ladite crotte de l'auteur et longueur que besoing, sera pour le prix et à raison de quatre florins la canne, fornissant ladite compagnie toute la pierre nécessaire à ladite murailhe et lesdits priffachiers la chaux et sable qui y conviendra employer et commenceront lesdits priffachiers à travailher et fere ladite besougne dez demain et l'auront faict et parachevé, le tout bien et deubment à la fin du présent mois de may, payable ladite besougne et priffaict et lesquels lesdits Guarcin, Fabre et Baulmes, au nom de toute ladite Compagnie ont promis payer auxdits priffachiers, scavoir dix escus dimanche prochain sixiesme du présent mois de may et le reste incontinent après ladite besougne estre parachevée, cannée et receue.
Et pour les choses susdites guardées et observées, en ont soubmis et obligés lesdites parties contrahantes aux noms qu'elles procèdent ..... scavoyr lesdits Guarcin, Fabre et Baulmes tous et chacuns les biens de ladite Compagnie et lesdits priffachiers, ung pour l'autre et le seul pour le tout, sans divizion, leurs personnes et biens présents et advenir aux Courtz des Submissions de Provence ordinaires et autres et en renonçant à tous les droictz et moyens venans à ce contreres. Requérant acte.
Faict à ma bouthique en présence de Me Tanequin Michel, rodier dudit Sainct Remy et ... Dedons, clerc en ..., tesmoings à ce appellés. Quy a sceu escripre s'est soubzsigné suivant l'ordonnance.
Garcin Fabre Dedons de Baumes
Cappeau, notaire | | Note N° : 206 |
Descripteur connexe de cette note : [Fournel,217] | Descripteur connexe de cette note : [Mas de Laurigue,413] | 26-10-1557, Jehan Badinenc, f°472 v° N°206
Quictance pour ledit Me Fournel faicte par Barthélemy Porte
... personnellement estably Me Barthélemy Porte, masson de Saint Remy, lequel ... a confessé avoyr eu et receu de Monsieur Me Huguetz Fournel, lieutenant de viguier en la ville de Saint Remy ... la somme de 5 florins, monnoye de Provence, à laquelle somme ledit Me Fournel estoyt tenu pour le complément de payement de la vanade que ledit Porte a faict et édiffié pour ledit Me Fournel et pour la paye que ledit Me Fournel luy debvoyt fere le jour que la vanade soyt faicte et parachevée ..... | | Note N° : 262 |
Descripteur connexe de cette note : [Mistral de,23] | Descripteur connexe de cette note : [Mistral Catherine de, dame de Romanin,14] | Descripteur connexe de cette note : [Romanin,1] | Descripteur connexe de cette note : [quartier : Matouin,44] | 03-12-1571, Aymes Bertrand, f°499 v° N°262
Debte avec compte final pour Dlle Catherine de Mistral, dame de Romanin, contre Me Barthélemy Porte, masson de Sainct Remy
... estably en personne Me Barthélemy Porte, masson dudict Sainct Remy, lequel ... a confessé debvoir à Damoyselle Catherine de Mistral, dame de Romanin ... la somme de 69 florins, monnoie de Provence ... que ladicte dame avoyt f..?.. et délivrée audict Porte, plus que ne s'est montée la besougne et ouvraige que ledict Porte a faict à édiffier ses bastimens que la dicte dame a faict faire et édiffier de nouveau à ung sien mas assis à ses terres du Plan, terroir dudict Sainct Remy .....
(en marge, note de cancellation et renvoi au 31-05-1579) | | Note N° : 263 |
Descripteur connexe de cette note : [Saint-André Loyse de,22] | Descripteur connexe de cette note : [Mistral de,23] | Descripteur connexe de cette note : [Mistral Catherine de, dame de Romanin,14] | Descripteur connexe de cette note : [Don Seigneur ou Dame de,78] | Descripteur connexe de cette note : [Romanin,1] | Descripteur connexe de cette note : [quartier : Matouin,44] | 31-05-1579, Aymes Bertrand, f°169 r° N°263
Debte pour Damoyselle Loyse de Sainct André, dame de Don, contre Me Barthélemy Porte
... estably Me Barthélemy Porte, masson habitant à Sainct Remy, lequel ... a confessé debvoir à Damoyselle Loyse de Sainct André, dame de Don dudict Sainct Remy ... la somme de 23 escus sol de la valeur de 60 soulz pièce suyvant l'édict, et ce pour reste et entier payemens de toutes et chacunes les sommes de deniers et autres choses quelconques en quelles ledict Porte pourroyt estre tenu et redebvable envers ladicte dame de Don, ensemble à Pol de Mistral, escuyer, Sr de Croses, son filz, nepveu et héritier à feue Damoyselle Catherine de Mistral, dame de Romanin, tant par oblige que aultrement .....
(Voir acte du 03-12-1571, Aymes Bertrand, f°499 v°) | | Note N° : 282 |
Descripteur connexe de cette note : [Mistral de,23] | Descripteur connexe de cette note : [Mistral Catherine de, dame de Romanin,14] | Descripteur connexe de cette note : [Romanin,1] | Descripteur connexe de cette note : [quartier : Matouin,44] | 28-01-1570, Jehan Badinenc, f°85 r° N°282
Priffaict pour Damoyselle Catherine de Mistral, dame de Romanin, faict par Barthélemy Porte
... estably en personne Me Barthélemy Porte, masson de Sainct Remy, lequel ... a promis et promet à Damoyselle Catherine de Mistral, dame de Romanin ... faire et parfaire et édiffier ... un mas et vanade que ladicte dame veut et préthent nouvellement faire et édiffier à ses terres du Plan et Mathoyn et jcelluy fere de la longueur, largeur et hauteur que ladicte dame le vouldra avec les paches et quallités que s'ensuyvent ..... | | Note N° : 307 |
Descripteur connexe de cette note : [Nostredame de,128] | Descripteur connexe de cette note : [Tieulloy du,420] | 25-09-1594, Pierre Badinenc, f°194 v° N°307
Priffaict pour Jean de Tieulloy, escuyer, contre François Motet, Aymes Sallazar, Jean Moullard et Pierre Porte, massons
... estably en sa personne, Jan de Tieulloy, escuyer de la ville de Beaucaire, habitant de la présente ville de Sainct Remy, lequel a balhé à priffaict à Me François Motet, Aymes Salazar, Jan Moullard et Pierre Porte, massons dudict Sainct Remy ... pour luy fere et édiffier dans la court que ledict de Tieulloy a acquiqe su chappitre dudict Sainct Remy et contre la muralhe de la maison qu'il a acquize de Bertrand de Nostredame, escuyer dudict Sainct Remy, (mots rayés) quatre arcz avec son pillier au millieu et pillastre de chaque cousté, l'ung desdicts arcz et le premier d'ung buget de plat et l'aultre second d'un querron et les autres deux de mesme façon et le bardat audessus de grases de 5 pans reffendues par le milieu et au dessus desdicts arcs fere une muralhe d'ung querron de plat de l'auteur que besoing sera, avec les fenestre et portes ..... | | Note N° : 420 |
Descripteur connexe de cette note : [Sade Jean de (sgr de Goult),89] | Descripteur connexe de cette note : [Goult,239] | Descripteur connexe de cette note : [Sade de,2] | Descripteur connexe de cette note : [Rue du Parage,81] | 27-10-1577, Aymes Bertrand, f°546 r° N°420
Prisfaict pour Jan de Sadde, Sr d'Agoult, contre Barthélemy Porte et Aymes Salezar
... establis Me Barthélemy Porte et Aymes Salezar, Me massons de la ville de Sainct Remy, lesquels ... ont promis ... à Jan de Sadde, escuyer, Sr d'Agoult de la ville d'Arles ... de luy repparer une crotte d'une maison dudict Sr d'Agoult, assise audict Sainct Remy et joignant la maison du Sr d'Eyguières comme s'en suict : et premièrement de enduire et bien et deuement les deux muralhes qui sont soubz ladicte crotte et de la sixiesme arcade en bas tirant vers la maison dudict Sr d'Eyguières et repparer lesdictes arcades et au tout mettre ... etc... |
