Il y a 1 notes dans les archives du XVI ème Siècle.


Le critère de recherche était: [fours à chaux]

Note(s)
Note N° : 259
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
31-01-1572, Aymes Bertrand, f°64 v° N°259 Bail pour la dame de Romanin contre Jehan Remonenc ... estably Jehan Remonenc, travailheur dudict Sainct Remy, lequel de son bon gré a promis et promet à Damoyselle Catherine de Maistral, dame de Romanin, présente, de fere et construire ung four de chaux, bien et duement faict à ses propres costz et despens, auprès du chasteau dudict Romanin et dans le terroyr d'icelluy et l'avoir parachevé par tout le moys de febvrier prochain soubz les paches suivantz. En premier lieu que ledict Remonenc sera tenu donner et expédier à ladicte dame de Romanin de toute la chaux qu'il fera audict four sept escandaux pour cens incontinens icelle faicte. Item que ledict Remonenc pourra et luy sera permys prandre audict terroyr de Romanin tous les boys et pierre que luy sera nécessaire pour la facture de ladicte chaux et au moingz de dommaige que fere ce pourra. Item que ledict Remonenc sera tenu bailher et délivrer à ladicte dame de Romanin tant de chaux qu'elle vouldra, oultre lesdicts sept pour cens, en luy payant à raison de 3 solz pour chacun escandal, en diminution duquel prix ledict Remonenc a confessé avoyr receu de ladicte dame la somme de 30 florins, lesquelz a promis rendre à ladicte dame en argent ou bien en chaux au pris susdict à l'élection de ladicte dame ..... Faict et publié audict Sainct Remy et dans la maison et chambre de ladicte dame .....