Il y a 10 notes dans les archives du XVI ème Siècle.


Le critère de recherche était: [Beuf]

Note(s)
Note N° : 195
Descripteur connexe de cette note : [Pellissier,213]
Descripteur connexe de cette note : [Baulmes de,204]
Descripteur connexe de cette note : [Rue du Puits Saint Martin,278]
06-01-1573, Aymes Bertrand, f°10 r° N°195 Partaige faict et passé entre Jaumet et Jehan Pelissier, frères ... comme ainsi soit que Jaumet et Jehan Pelissier, frères, laboreurs, habitant de la présente ville de Sainct Remy, filz et héritiers universels à feu Etienne Pelissier, aussi laboreur en son vivant dudit Sainct Remy, ayent quelque espaces de temps après le décès et trespas de leur dit père, tenu de possédé ... en indivis lesdits biens et héritage à eulx délaissé par ledit Etienne, leur dit père, et, en après, lesdits Pelissier, frères, auroient longtemps, y a que peult avoir environ 22 ans, faict partage et division verballement, à l'amyable desdits biens entre eulx ... toutesfois lesdits Pelissier, frères, pour obvier à plusieurs difficultés qui se treuve ... auroient ... délibéré entre eulx fere rédiger par escript et acte public ledit partaige ..... Dans le partage : maison assise dans ladite ville de Sainct Remy et à la rue appellée du Puis Sainct Martin Moytié de Jaumet: le costé du midy, confrontant du levant maison de Remy de Baumes le vieulx, du couchant estable de Privat Beuf, du midy maison de Stienne Bagnon, de bize l'autre moytié advenant audit Jehan Pelissier, son frère Moytié de Jehan : le costé de la bize, confrontant du levant maison dudit Remy de Baumes et hoirs à feu Jehan de Baumes, du couchant ledit passage demeurant entre eulx en commun, du midy la part dudit Jaumet, de bize ladite maison des heoirs audit Jehan de Baumes
Note N° : 236
Descripteur connexe de cette note : [mariages,200]
Descripteur connexe de cette note : [Cappeau,202]
07-01-1554, Symon Contet, f°19 r° N°236 Mariage faict et passé entre honnorable home Gabriel Cappel, fils à feu Pierre Cappel, en son vivant bourgeois de Sainct Remy, d'une part, et damoiselle Daulphine Gondarde, filhe à feu noble Anthoine Goudard, et honeste femme Done Jourdane Beufine de ladicte ville, d'aultre.
Note N° : 294
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
Descripteur connexe de cette note : [Cappeau,202]
Descripteur connexe de cette note : [Mestre, Mestresse,412]
Descripteur connexe de cette note : [quartier : Matouin,44]
23-02-1565, Pierre Cappeau, f°137 r° N°294 Achept de terres et préz pour la dame de Romanil contre Sire Privat Beuf de Sainct Remy ... estably et constitué Sire Privat Beuf, bourgeois de ceste ville de Sainct Remy, lequel ... a vendu ... à noble et généreuse dame Catherine de Mistral, dame de Romanil de ladicte ville de Sainct Remy, illec présente ... à scavoyr les pièces, possessions et propriétés que s'ensuyvent et cy-après désignées et confrontées: Et premiérement, une sienne terre assize et scituée à l'Argellier, terroir dudict Sainct Remy, contenant 6 cesterées et 60 dextres, confrontant d'une part avec le chemyn de Maillane, d'autre la terre du chappitre et de deux autres partz la terre de Catherine Navete. Item, une terre assize au Plan, terroir dudict Sainct Remy, contenant 23 cesterées et 31 dextres, joignant d'une part avec le chemin de Maillane et des autres parts avec le chemyn voisinier. Item, une terre, dicte la Terre Basse, scituée au Plan, terroir de ladicte ville, contenant 13 cesterées et 38 dextres, se tenant d'ung cousté avec le chemyn vesinier, d'autre la terre de Jehan Marroc, d'autre la terre de Annete Robine, et d'autre la terre de Michel du Crest. Item, une terre, dicte la (illisible) pausée au Noyer de Palerme, terroir dudict, contenant 13 cesterées et 46 dextres, confrontant de deux partz avec ung chemyn vesinier, d'autre une terre de Jehan Cault et d'autre une terre de Estienne Alméran. Item, une autre terre assize audict terroir, lieu dict au Noyer Matoyn, contenant 9 cesterées 33 dextres, se joignant d'ung quartier avec une autre terre dudict vendeur cy-après confrontée, d'antres deux, d'ung chemyn et d'autre une terre de Jehan Marroc. Item, une terre dicte la Grande Girarde, scituée audict Noyer Matoyn, contenant 20 cesterées 45 dextres, se tenant d'ung endroict avec une terre de Jehan Marroc, d'autre un chemyn, d'autre une terre dudict vendeur cy-après mentionnée et vendue et avec un chemyn vesinier. Item, une autre terre dicte la Petite Font, pausée à Matoyn, terroir que dessus, contenant une saumée 83 dextres, confrontant d'une part terre des hoirs à feu Me René de Laudun, d'autre terre du Noyer, sus confrontée, d'autre terre dudict vendeur cy-après descripte, dicte la Grande Terre de la Font, et d'autre la terre cy-devant mentionnée dicte la Grande Girarde. Item, ladicte terre, dicte la Grande Terre de la Font, scituée audict Matoyn, terroir de ladicte ville, contenant 10 cesterées 44 dextres, confrontant d'une part avec la terre des hoirs à Me René de Laudun, d'autre ung chemyn, d'autre la terre de Jehan Marroc et d'autre la terre sus-désignée dicte la Petite Terre de la Font. Item, une autre terre assize audict Matoyn, terroir jà dict, de la cappacité de 10 cesterées 89 dextres, se joignant d'ung quartier avec une autre terre dudict vendeur, d'autre terre des hoirs à feu Pierre Mestre et d'autre la terre des hoirs à feu Michel Marroc. Item, une autre terre scituée à la Combe, terroir dudict Sainct Remy, contenant une saumée 68 dextres, confrontant de deux partz avec les terres des hoirs à feu Pierre Cappel le vieux, d'autre ung chemyn et terre de Thounete Dollans et d'autre le chemyn d'Arles. Item, une terre assize au terroir dudict Sainct Remy, lieu dict Fontanille, appellée la Ferande, contenant 2 cesterées 34 dextres, confrontant d'ung cousté avec la terre du chappitre, d'autre la terre de Me Pierre Mandony, d'autre le chemyn d'Arles et d'autre la terre de Me Nicolas Romyeu, receveur du ressort et siège d'Arles. Item, une autre petite terre scituée audict terroir et lieu de Mathoyn, contenant 3 cesterées 64 dextres, confrontant d'une part avec le chemyn de Maillane, d'autre la terre de Jehan Marroc et d'autre la terre cy apellée suyvant désignée et vendue. Item, une terre appellée Rompide, pausée audict Matoyn, terroir dudict Sainct Remy, contenant 13 cesterées et 73 dextres, confrontant de deux partz avec le chemyn de Maillane, d'autre la terre de Jehan Marroc, et d'autre la terre cy-devant et en dernier lieu confrontée. Item, une autre terre appelée Cibiere, ayant ung petit fossé ou vallat au milieu, scituée audict terroir de Matoyn, contenant 22 cesterées 59 dextres, confrontant d'une part avec le chemyn de Maillane, d'autre la terre de Jehan Marroc cy-devant spécifiée, d'autre les terres des hoirs audict feu Pierre Mestre et d'autre la terre de feu Loys Perrot, fossé au milieu. Item, ung sien pré assiz et scitué au terroir dudict Sainct Remy et audict lieu de Matoyn, appellé le Pré Neuf, contenant 15 cesterées et 39 harpentz terre en dextre, confrontant de deux partz avec les terres dudict vendeur cy-dessus amplement limitées, d'autre le chemin de Maillane et d'autre ung autre pré dudict vendeur suyvamment vendu et désigné. Item, et finallement ung autre dict pré assiz et pausé illec mesmes audict terroir et lieu de Matoyn, contenant 14 cesterées 48 dextres, confrontant de deux partz avec le chemyn de Maillane, d'autre le pré cy-devant déclairé et d'autre la terre de Me Pierre Mandony ..... ... moiennant et parmy le prys et nom de prys universel convenu et accordé entre lesdicts vendeur et achepteresse de 5685 florins et 2 soulz tournois, monnoye ayant courtz et mise en ce présent pays et comté de Provence, provenant au fur et raison de 200 florins la saumée des terres et 400 florins la saumée des préz .....
Note N° : 295
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
Descripteur connexe de cette note : [quartier : Matouin,44]
07-04-1565, Pierre Cappeau, f°265 r° N°295 Affacherie de terres pour la dame de Romanil contre Jehan Fernays de Sainct Remy ... establye Damoyselle Catherine de Mistral, dame de Romanil de ceste ville de Sainct Remy, laquelle ... a baillé à affacherie à Jehan Fernays, laboureur de ladicte ville ... à scavoir les terres que tient à présent en garaiche et culture du ténement que ladicte dame a acquis de Privat Beuf dudict Sainct Remy pour le temps et space d'ung an et une gauside et saizon .....
Note N° : 313
Descripteur connexe de cette note : [Fournel,217]
Descripteur connexe de cette note : [Chamois,357]
Descripteur connexe de cette note : [André,220]
Descripteur connexe de cette note : [Tourrel,180]
Descripteur connexe de cette note : [Combe,362]
Descripteur connexe de cette note : [Chabert,384]
Descripteur connexe de cette note : [Fambon,373]
Descripteur connexe de cette note : [Rue de la Place,82]
16-02-1577, Aymes Bertrand, f°102 r° (suite) N°313 Partage entre Damoyselles Blanche et Jeanne Fournelles [complément, voir n°208] dans la part de Blanche : - plus la grande maison avec ses apartenances size dans ladite ville de Sainct Remy et à la grand rue, confrontant de deux partz deux rues publiques, d'autre maison de Sire François Chamoys, d'autre part maison de Loys Pontier, extimée 2075 florins 6 sols - plus ung estable et court avec leurs apartenances assize dans ladite ville de Sainct Remy et à la rue dicte de (blanc), confrontant d'une part maison de Jaume Bonnenc (d'une part), de deux partz maison et court de Gabriel Fadigon aussi avec la court de Sire Privat Beuf, maison de Sire Pierre André, Joachin Rachept et Anthoine Tourrel le vieulx et maison de Jean Combe acquize de Monsieur le juge dudit Sainct Remy, extimée 418 florins 10 solz dans la part de Jane : - plus une petite maison dicte le tinal avec ses apartenances assize dans ladite ville de Sainct Remy et à la rue dict (blanc) confrontant d'une part ladite rue, d'autre part avec la maison de Privat Beuf, d'autre part avec la maison de Jean Fambon et d'autre part avec la maison de Ollivier Chabert, laquelle ... extimée 515 florins 3 solz
Note N° : 315
Descripteur connexe de cette note : [Renaud de,214]
Descripteur connexe de cette note : [fours à pain,251]
Descripteur connexe de cette note : [Cappeau,202]
Descripteur connexe de cette note : [Blanc,389]
Descripteur connexe de cette note : [Gérente Blanche de,407]
Descripteur connexe de cette note : [Pellissier,213]
Descripteur connexe de cette note : [Rue Saint Martin,277]
21-01-1574, Aymes Bertrand, f°39 v° N°315 Partaige de maison faict et passé entre Damoyselles Marguerite et Sibille de Raynaud, soeurs ... comme soyt que lesdites damoyselles de Raynaud ayent partaige et division de tous et chacuns leurs biens qu'elles avoyent par commun indivis comme filles et héritières à feu noble Jehan de Raynaud, escuyer et gouverneur de Granville, excepté que dez maisons, estable et autres bastimentz qu'elles ont assizezs dans la présente ville de Sainct Remy, desquelles maisons lesdites de Raynaud auroyent donné charge expresse à François de Bueil, escuyer, Sieur de Laval, et Honnoré de Borrilhon, escuyer, Sieur d'Aspremont, leurs maris respectivement en faire partaige, division, ce qu'ilz auroyent faict le commodément que leur soyt esté possible ... en la manière que s'ensuyt ..... Et premiérement est advenu à la part de ladite damoyselle Marguerite de Raynaud une partye de la grand maison dudit feu Sieur de Raynaud assize dans ladite ville de Sainct Remy et du costé du midy, ainsi que prent la muralhe touchant le grand bardat, le coing de la maison commune de ladite ville de Sainct Remy et la muralhe joignant la salle basse de ladite maison de hault en hault, laquelle partie de maison confronte du levant ladite maison commune dudit Sainct Remy et le fourt d'jcelle, du couchant et midy les rues publicques, de bise l'autre part et le reste de ladite maison advenue à ladite damoyselle Sibille de Raynaud ... etc... Et à la part de ladite damoyselle Sibille de Raynaud est advenue l'autre part et reste de ladite grand maison et du cousté de bize, confrontant du levant les maisons de la ville et communauté dudit Sainct Remy, des heoirs de Gabriel Cappel filz Pierre et de Gervays Blanc, du couchant la rue publicque, du midy ladite part de ladite maison advenue à ladite damoyselle Marguerite de Raynaud, ainsi que prant et va ladite muraille jusque ledit grand bardat et le coing de ladite maison commune, de bize la maison dudit Gervays Blanc, laquelle part est comprinse la salle basse de ladite maison joignant ledit bardat d'hault en hault, demeurant la muralhe qu'est entre deux en commun entre lesdites damoyselles de Raynaud, les portes et fenestres de laquelle muralhe ladite damoyselle Marguerite de Raynaud sera tenue fere fermer bien et debmement à ses despens Item est advenu à ladite damoyselle Sibille de Raynaud une autre maison appellée le tinal, assize dans ladite ville de Sainct Remy et à la rue appellée (blanc) confrontant du levant et midy ladite rue, du couchant et bize maison de damoyselle Blanche Jarente, leur mère, et des heoirs à feu (blanc) Marroc et de Sire Françoys Berard par luy acquit desdites à novel baille [ou Nouel Bailly ] Item est advenu à ladite damoyselle Sibille le grand estable que tient à présent Privat Beuf dudit Sainct Remy, avec les cours y jougnantz, assiz dans ladite ville et à la rue appellée de Sainct Martin, confrontant du levant maison de Jacques et Jehan Pellissier, frères, du couchant maison de François Goutellan et du midy ladite rue, de bize une autre rue .....
Note N° : 387
Descripteur connexe de cette note : [Chapellenie du Saint Esprit,122]
Descripteur connexe de cette note : [Biord,397]
Descripteur connexe de cette note : [Pascal,378]
Descripteur connexe de cette note : [chapellenie,94]
22-08-1584, Pierre Cappeau, f°666 v° N°387 Immission de possession d'une chappellanie pour Messire Pierre Pascal, pbre, chanoyne de Sainct Remy ... par devant Monsieur Me Jean Biord, chanoyne de ladicte église ... se soyt présenté et compareu Messire Pierre Pascal, chanoyne de ladicte esglise, recteur de certayne chappellanie fondée en ladicte esglise par feue Jourdane Befve, soubz le tiltre du Sainct Esprit, lequel auroyt dict et expousé ... estre proveu par Mgr le Révérendissime cardinal d'Armagnac colloqué et archevesque d'Avignon ... de ladicte chappellanie par la ... résignation d'icelle faicte par feu Messire Jean Pascal, son oncle, dernier recteur et paisible poussesseur de ladicte chappellanie .....
Note N° : 388
Descripteur connexe de cette note : [Chapellenie du Saint Esprit,122]
Descripteur connexe de cette note : [Cappeau,202]
Descripteur connexe de cette note : [chapellenie,94]
25-08-1584, Pierre Cappeau, f°673 r° N°388 Nomination et publication de recteur pour Gabriel Cappel de Sainct Remy ... personnellement estably Gabriel Cappel, escuyer de la présente ville de Sainct Remy, hoir universel à feue Jourdane Beufve par le moyen de feue Damoysellee Daulfine Goudarde, sa mère, et par ce moyen juspatron et ayant droict de juspatronnat, nomination, eslection et présentation de recteur ... à une chappellanie cléricalle ou messe fondée par ladicte feue Jourdane Beufve en l'église collégialle de Sainct Martin en ladicte ville de Sainct Remy, soubz le tiltre du Sainct Esprit, à présent vaccante par le décès et trespas de feu Messire Jean Pascal, en son vivant pbre dudict Sainct Remy, dernier recteur et paisible possesseur d'icelle ... et à icelle fin que le service divin ne soit retardé ... certiffié ... de la preudhommie ... et suffisance ... de Messire Bertrand Bicheron, pbre, curé de la ville d'Allen ... icelluy dict Messire Bicheron a esleu et nommé en recteur de ladicte chappellanie vaccante ...
Note N° : 389
Descripteur connexe de cette note : [Chapellenie du Saint Esprit,122]
Descripteur connexe de cette note : [Cappeau,202]
Descripteur connexe de cette note : [Pascal,378]
28-08-1584, Pierre Cappeau, f°682 r° N°389 Intimation avec sommation pour Messire Pierre Pascal contre Gabriel Cappeau de Sainct Remy ... constitué en personne Messire Pierre Pascal, chanoyne de l'église collégialle de Sainct Martin de la présente ville dee Sainct Remy, recteur d'une chappellanie fondée en ladicte église et à l'autel du Sainct Esprit par feue Jourdane Beufve, lequel trouvant en personne, casuellement, Messire Esperit de Lauris, Sieur des Taillades, beau-père de Gabriel Cappeau, escuyer dudict Sainct Remy et parlant audict Gabriel Cappeau à la personne dudict Sieur des Taillades, luy a dict et faict entendre que ladicte feue Jourdanne Beufve, par son dernier testement auroyt fondé ladicte messe et chappellanie à la charge de 3 saumées bled de pension toutes les années à chacung premier jour d'aoust et nommé en premier recteur Messire Jean Pascal, pbre, oncle dudict expousant par la résignation duquel ledict expousant seroit esté prouveu de ladicte chappellanie et d'icelle prins possession ainsy qu'il appert aux actes ..... (il s'agit d'une opposition à la nomination de Messire Bertrand Bicheron au même rectorat par Gabriel Cappeau)
Note N° : 396
Descripteur connexe de cette note : [Nostredame de,128]
Descripteur connexe de cette note : [Yves,425]
14-12-1559, Aymes Bertrand, f°75 v° N°396 Priffaict pour Me Anthoine de Nostredame ... establys en leurs personnes Jehan Yver et Gabriel Bernard, masson de Sainct Remy, lesquels ... ont promis ... à Me Anthoine de Nostredame, praticien dudict Sainct Remy ... luy fere le bastiment que s'ensuit : - Premiérement fere une murailhe de pierres appellées quérons et ce au-dessus la muralhe que faict division entre ledict de Nostredame et la maison sive molin de Sire Privat Boeuf dudict Sainct Remy, scavoir despuis le carré de la murailhe de la chambre dudict de Nostredame jusques aux muralhes de la ville et fermer les passaiges desdictes muralhes et ce de telle hauteur que bon semblera audict de Nostredame. - Item, fere une aultre muralhes de quérons brutz dessus le barré et devers le cousté de la maison dudict de Nostredame, aussi de telle haulteur que bon luy semblera, le tout à chaux et à ..?.. , lesquels Yver et Bernard sont tenus, ainsi qu'ilz ont promis, fornir lesdites pierres et tous aultres attraict nécessaires à leurs propres costz et despens ; et ce pour le prix et somme de 53 soulz pour chacune canne de murailhe qui, par eulx, sera faicte de la qualité que dessus .....