Il y a 4 notes dans les archives du XVI ème Siècle.


Le critère de recherche était: [Dutrège]

Note(s)
Note N° : 124
Descripteur connexe de cette note : [André,220]
Descripteur connexe de cette note : [Bertrand,152]
Descripteur connexe de cette note : [Cappeau,202]
Descripteur connexe de cette note : [religion,229]
11-11-1567, Pierre Cappeau, f°801 r° N°124 Nomination de notaire royal et greffier de la Court royalle de Sainct Remy en faveur de Me Gervais Cappeau, praticien, faicte par la Communauté dudict Sainct Remy ... auquel conseil seroyt esté proposé par ledit Mestral, premier consul, que ces jours passés, Me Aymes Bertrand, Guillaume Dutrège et Anthoine André, notaires royaux de ladite ville, seroient sortis de ville et s'en seroient allés, accompagnés de plusieurs autres de la nouvelle religion, la plus part armés de bastons de feu et se seroient retirés, avec lesdits de la nouvelle religion au lieu de Mérindol, ainsi que le commun bruict est. Et d'autant que de toute ancienneté, mesmes par l'arection de la justice et réformation d'icelle, sont establys en ladite ville cinq notaires royaux prenans et recevants actes et contractz, et que à présent en ya troys dessus nommés absens et furtifz, et ung des autres qui est habitant au lieu de Châteaurenard, de manière que ladite ville, par ce moyen, se treuve desprouveue de notaires et que les habitans d'icelle sont contrainctz se retirer ailleurs et hors dudict Sainct Remy pour faire et passer les actes et contractz qu'ilz ont à faire ..... Quoy entendu par ledit conseil, tous d'ung accord, nul descreppant, et par même délibération d'icelluy, ont conclud et arresté, adhérant et percistant aux autres semblables et précédantes nomminatiosn et délibération, in fautes d'abondance, que sera supplié, au nom dudit procureur du Roy, icelluy présent et de ladite ville, à Monsieur le Comte de Tende, chevallier de l'ordre du Roy, grand séneschal, gouverneur et lieutenant général pour Sa Majesté en Provence, de prouvoir à l'estat et office de notaire royal en ladite ville, vaccant par le décès et trespas de feu Me Benoict Cappelle, dernier paisible possesseur et greffier de ladicte Communauté, de la personne de Me Gervais Cappeau, son filz, praticien dudit Sainct Remy, homme ydoyne, cappable et souffisant à l'exercice dudit estat et office, lequel, ladite ville, a nommé et esleu, pour estre supplyé mon dict Seigneur le Comte de Provence, audit office de notaire au grand sollagement et contentement de tout le peuple et habitans de ladite ville, si tel est son bon plaisir .....
Note N° : 145
Descripteur connexe de cette note : [Fournel,217]
13-10-1558, Jehan Badinenc, f°542 r° N°145 Procure pour Me Huguets Fournel, viguier de la ville de Sainct Remy ... a faict et constitue ses procureurs ... Mes Jacques Moyeu et Pierre Aloyne, advocats et praticiens au conseilh privé du Roy ... pour ... résigner et remettre entre les mains du Roy, nostre Sire et de Monseigneur le révérendissime Cardinal de Cens, garde des scaulx de France, l'office de notaire et tabellion royal dudit Fournel estably audit lieu de Sainct Remy, en faveur, toutesfoys, de Me Guilhaume Dutrège, habitant de Sainct Remy (note du Dr Leroy)
Note N° : 176
Descripteur connexe de cette note : [testaments,201]
Descripteur connexe de cette note : [Leuze de,51]
Descripteur connexe de cette note : [Chabrand,52]
Descripteur connexe de cette note : [Auran, Orran,390]
06-09-1591, Pierre Cappeau, f°674 v° N°176 Testement de honneste femme Jourdanne de Leuze de Sainct Remy ... estably en sa personne, honneste femme Jourdanne de Leuze, femme à Me Guillaume Dutrège, notaire royal de la présente ville de Sainct Remy, laquelle ... lègue ..... à honneste filles, Jeanne Dutrège, femme à Me Jean Orran, cousturier de ladite ville, Loyse, Anne et Honnorade Dutrège, ses filles légitimes et naturelles et dudit Me Guillaume Dutrège ..... à Jeanne Orranne, fille dudit Orran et de ladite Dutrège, mariés, sa félezaine ..... héritier universel, Me Pierre Dutrège, notaire royal dudit Sainct Remy, son fils légitime et naturel et dudit Me Dutrège, son mary ..... substitue, Dame Honnorade de Leuze, vefve à feu Sire Jean Chabrand dudit Sainct Remy, sa seur .....
Note N° : 288
Descripteur connexe de cette note : [testaments,201]
Descripteur connexe de cette note : [Chabaud,228]
Descripteur connexe de cette note : [Rue du Grand Puits,130]
Descripteur connexe de cette note : [Cappeau,202]
14-03-1597, Gervais Cappeau, f°145 v° N°288 Testement pour Claude Poytevin, norriguier de Sainct Remy ... Claude Poytevin, norriguier de ceste ville de Sainct Remy ... lègue ..... à Marte Poytevine, sa filhe légitime et naturelle et de Peyronne Roullette, sa femme ..... héritiers universels : Jacques et Jean Poitevins, ses enfans légitimes et naturelz et de ladicte Roullette ..... à la suite, inventaire de ses biens : au mas où il habite ..... dans sa maison assize dans ladicte ville ..... Et en ce que concerne ses biens immeubles a dict estres descriptz dans le livre terrier et cadastre de ladicte ville insy que s'ensuit : En premier lieu, à la rue du Grand Puys, une maison confrontant du levant maison des heoirs à feu Sire Jean Chabrand, du couchant maison des heoirs de Reymond Salleyrier, du midy et bize les traverses. Item, à la Tourre, 3 cesterées trois quars de terre confrontant du levant vigne d'Anthoine Coste, du couchant et midy terre des heoirs de Jean Poytevin, Sr du Mas Blanc, et de bize la Tour du Cardinal. Item, audict lieu, 2 saulmades 6 cesterées de terre ayant bastide, confrontant du levant chemin Baussenc, du couchant la Tourre du Cardinal, du midy vigne d'Anthoine Casteau, de bize terre des heoirs de Thonnette Combette. Item, aux Mujades, une saulmade de prat, confrontant du levant prat de Guilhaume Dutrège, du couchant pred de Loyse Andrieu, du midy la Robine Terrenque et de bize la Grande Robyne. Item, à la Tourre, 3 cesterées et demye de terre, confrontant du levant terre de Baltezard Tourrel, du couchant terre des heoirs d'Estienne Chabaud, du midy le chemin d'Arles et de bize vigne de Me Pierre Cappeau acquize de Jeanne Duclaux. ... Faict au mas dudict Poytevin, assis à la Tourre, terroir dudict Sainct Remy et près le lict où il gizoict mallade .....