Il y a 14 notes dans les archives du XVI ème Siècle.


Le critère de recherche était: [Dutruel]

Note(s)
Note N° : 6
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (2) de,27]
Descripteur connexe de cette note : [Saint-André Loyse de,22]
Descripteur connexe de cette note : [Mistral François de,15]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Baulmes de,204]
Descripteur connexe de cette note : [Mas de Nierne,77]
Descripteur connexe de cette note : [Romanin,1]
Descripteur connexe de cette note : [Mignot,168]
Descripteur connexe de cette note : [Alméran d',156]
29-04-1570, JehanBadinenc, f°253 r° N°6 Donation pour Paul de Mistral, Sr de Croses L'an mil cinq cens septante et le vingt neufviesme jour du mois d'avril, régnant le très nostre Charles, par la grâce de Dieu, Roy de France, Comte de Provence, Forcalquier et Terres adjacentes, procédant moy, notaire royal estably à la présente ville de Sainct Remy, et en présence des tesmoingtz soubz només. Personnellement establie Damoyselle Catherine de Mistral, Dame de Romanil, de ladicte ville de Sainct Remy, laquelle se sovenant de la bonne vollonté et amour que feu François de Mistral, son frère, en son vivant Sr de Don, luy a toujours porté et de plusieurs grandz faveurs et plaisirs que luy a faict, mesmes que se soyt venu retirer dans la maison de ladicte de Mistral, en laquelle il auroyt fini ses jours ......?...... que en son immitation, Pol de Mistral, son fils unique et héritier fera et continuera de bien en mieulx et pour la grande amour qu'elle lui porte, tant par le respect de son dict feu père que, aussi, pour ce que est son plus proche parent et de son sang, portant son surnom et armes, auroyt faict son testement par lequel jcelle Dame de Mistral l'auroyt institué son héritier universel con....? ...?... bonne vollonté et recognoissant plusieurs ....?... et bons services que Damoyselle Loyse de Sainct André, sa belle-soeur, mère dudict Pol et vefve dudict feu François, son dict frère, luy a toujours faict et ne cesse journellement de fere et afin que ledict Pol, sa dicte mère recognoyssent par effet de bien en mieulx sa bonne vollonté, et que pour l'advenir ne puysse avoyr aucun procès, question ne débat entre ses aultres parens qui pourroyent préthendre aulcun droict ou susseption à l'advenir sur les biens et héritaige de ladicte Dame de Mistral, laquelle de son bon gré, pure, franche et liberalle vollonté pour elle et les siens et que ainsi luy plait, a donné et par ces présentes donne par pure, simple, ferme et irrévocable donnation et que se dict estre faicte entre vifz, audict Pol de Mistral, seigneur de Croses, son dict neveu bien aymé, combien que soyt absent, ladicte damoyselle de Sainct André, sa dicte mère et tuteressse présente, aceptante, avec moy, notaire royal soubzsigné, pour ledict Pol de Mistral estippulantz, tous et chacuns ses biens meuble, immeuble et par soy mouvement, noms, droictz et dactions quelconque présent et advenir assis et scitués tant dans la présente ville de Sainct Remy, son terroyr que ailleurs en quelque part, lieu ou plasse qu'ilz puissent estre assiz et scitués et que de présent lui compectent et appartienent et que en temps de son trespas luy pourront compecter et appartenir en fasson et manière quelconque pour d'iceulx en fere à son playsir et vollonté tant à la vie que à la mort. Saufz toutesfois que ladicte Dame de Mistral donnatresse c'est réservé et réserve par pache de présent tout et chacun les fruictz et usufruictz de tous lesdicts biens dessus donnés pour jceulx prendre et jouir et en fere à ses plaisirs et vollonté sa vie durand, tant seulement vollant que incontinent après son descès lesdicts fruitz soient consolidés à leur propriété au prouffict et valleur dudict Pol de Mistral, donnataire. Et aussi ladicte Dame donateresse s'est réservé et réserve sur lesdicts biens donnés la somme de mil florins par elle légués en son dict testement receu par M° Pierre Granier, notaire royal d'Eyguières, tant pour son âme que causes pieuses. Pareilhement s'est réservé ladicte Dame et réserve sur lesdicts bien dessus donné la somme de six cens livres tournoys pour en disposer à ses plaisirs et vollontés. Semblablement aussi ladicte Dame s'est réservé et réserve ung sien petit mas qu'elle a acquis des Mignotz, lequel tient de présent en arrantement de ladicte Dame Mathieu de Tharascon, avec son ténement et aultres terres par ladicte Dame acquizes de plusieurs particulliers, joignant audict affar, et que sont assis et situés à Nyerne, terroir dudict Sainct Remy, et quoi que contiennent, confrontant du levant le terroyr de Romanyl, du midy les callans, de couchant et bize terre des Almérans, Hugues et Jehan Dutruel, Thomas Mignot et aultres particuliers dudict Sainct Remy et ses aultres confrons plus véritables si peut en avoir, pour d'icelluy mas, terres et affar en disposer à ses plaisirs et vollonté. Et par semblable donnation que ce dict estre faicte entre vifz, ladicte Dame, donnateresse, a donné et donne à ladicte Damoyselle de Sainct André, sa belle-soeur, présante et acceptante, sa despance de vie et entretenement, sur les biens dessus donnés, ensemble, sa demeurance dans sa maison neufve, tant que ladicte Damoyselle de Sainct André vivra en viduyté seullement. Desquelz biens dessus donné, ladicte Dame de Mistral, donnateresse, avec les réservations susdites, s'est démise et démest et ledict Pol de Mistral, donatère, en a immiscé et mis et fait en bonne et vallable possession par touchement des mains de ladicte de Sainct André, sa dicte mère et tuteresse, à la manière accoustumée. Faict et publié audict Sainct Remy et dans la maison de ladicte Dame, en présence de Messire M° Balthazard de Baulmes, chanoyne de l'églize collégiale de Sainct Martin, noble homme Nycollas Romyeu, recepveur pour le Roy au Siège d'Arles, habitant dudict Sainct Remy, George de la Coronne, escuyer, homme d'armes à la compagnie de Monseigneur le Comte de Laudun (?) de Donsère, tesmoings à ce appellés qui se sont soubzsignés et moy, nothaire royal
Note N° : 63
Descripteur connexe de cette note : [mariages,200]
Descripteur connexe de cette note : [Navarry,163]
Descripteur connexe de cette note : [Rivarel,345]
Descripteur connexe de cette note : [Galle,387]
02-03-1587, Pierre Badinenc, f°122 v° N°63 Mariage faict et passé entre Jacques Galle, d'une part et Marguerite Navarry, d'autre ... entre discret jeune homme, Jacques Galle, filz légitime et naturel à Sire Thomas Galle et Sperite Rivarel de la présente ville de Saint Remy, d'une part, et honneste filhe, Marguerite Navarry, filhe légitime et naturelle à Sire Georges Navarry et de feue Anne du Truel, d'autre .....
Note N° : 64
Descripteur connexe de cette note : [mariages,200]
Descripteur connexe de cette note : [Navarry,163]
Descripteur connexe de cette note : [Nostredame de,128]
Descripteur connexe de cette note : [Berle,388]
09-04-1587, Pierre Badinenc, f°153 v° N°64 Mariage faict et passé entre discret jeune homme Symon Navarry, d'une part, et Damary de Nostredame, d'autre ... entre discret jeune homme, Symon Navarry, filz naturel et légitime à Sire Georges Navarry, bourgeois, et de feue Anne du Truel de la présente ville de Saint Remy, diocèse d'Avignon, d'une part, et honneste filhe, Damary de Nostredame, filhe naturelle et légitime à Monsieur Me Anthoine de Nostredame, ansien praticien et lieutenant du juge et de Loyse Berle dudit Saint Remy, d'autre .....
Note N° : 101
01-06-1599, Gervais Cappeau, f°344 r° N°101 Bail en paye pour Me Jean Baeyes, notaire royal de la ville de Tharascon, contre Sire Jean Dutruel, bourgeois de Saint Remy ... estably, Sire Jean Dutruel, bourgeois de ceste ville de Sainct Remy, lequel, de son gré, pour luy et les siens, en déduction et à tant moingt de doct par luy constituée à Damoyselle Loyse Dutruel, sa fille, femme à Me Jean Baeyes, notaire royal de la ville de Tharascon, au contract de mariage d'icelle et dudit Me Baeyes, prins et rettenu par moy notaire le 28-07-1597, a baillé .....
Note N° : 126
Descripteur connexe de cette note : [mariages,200]
Descripteur connexe de cette note : [Mignot,168]
Descripteur connexe de cette note : [Combe,362]
Descripteur connexe de cette note : [Galle,387]
07-11-1599, Gervais Cappeau, f°623 v° N°126 Mariage faict et passé entre Sire Jacques Combe, marchand groussier de Sainct Remy, d'une part, et honneste fille Florimonde Mignotte de ladite ville, d'autre ... entre Sire Jacques Combe de cette ville de Sainct Remy, diocèse d'Avignon, filz légitime et naturel à feu Jean Combe et honnestee femme Marquise Dutruel, au vivant dudit Combe mariés de ladite ville, d'une part, et honneste fille, Florimonde Mignotte, fille légitime et naturelle à feu Me Michel Mignot, vivant tailheur, et honneste femme, Catherine Galle, au vivant dudit Mignot, mariés dudit Sainct Remy, d'autre .....
Note N° : 160
Descripteur connexe de cette note : [mariages,200]
Descripteur connexe de cette note : [sobriquets,287]
Descripteur connexe de cette note : [Durand,210]
Descripteur connexe de cette note : [Durand Alexis,206]
Descripteur connexe de cette note : [Combe,362]
02-06-1588, Gervais Cappeau, f°608 r° N°160 Mariage faict et passé entre Me Alexy Durand de Lambesc, d'une part, et honneste femme Marquize Dutruel de ceste ville de Sainct Remy, d'autre ... entre Me Allexy Durand, filz légitime et naturel de feus Jacques et Hugonne Musse, en leur vivans mariés du lieu de Lambesc, diocèze d'Aix, d'une part, et honneste femme Marquize Dutruel, vefve à feu Jean Combe, dict Boussard, en son vivant mesnager de ceste ville de Sainct Remy, diocèze d'Avignon, d'autre .....
Note N° : 185
Descripteur connexe de cette note : [testaments,201]
Descripteur connexe de cette note : [Baulmes de,204]
Descripteur connexe de cette note : [Pénitents noirs,187]
Descripteur connexe de cette note : [Chamois,357]
Descripteur connexe de cette note : [Ruas,376]
13-02-1566, Pierre Cappeau, f°128 r° N°185 Testement de Sire Gervais Chamoys de Sainct Remy ... estably en sa personne, Sire Gervais Chamoys, bourgeois, natif et habitant de ceste ville de Sainct Remy, lequel ... a esleu sa sépulture ... dans l'église collégialle et parochialle de Sainct Martin dudict Sainct Remy, au devant de la chapelle et autel du Sainct Esprit et à la tombe et sépulture où sont ensepvellis ses feus enfans, parens et prédécesseurs ... lègue ..... à la confrairie des frères pénitens dudit Sainct Remy nouvellement érigée et fondée souls le nom et tiltre de Jhésus .. à honneste femme Jourdane de Baumes, sa femme condigne et bien aymée ..... à Peyronne Chamoyse, sa fille légitime et naturelle et de ladite de Baumes, sa femme ..... à honneste femme Jehanne Chamoyse, sa fille légitime et naturelle et de feue Catherine Royer, sa première femme, veufve relayssée à feu Sire Jehan Dutruel de ladite ville ..... à Barthélemyene Chamoyse, son autre fille légitime et naturelle et de ladite feue Royer, femme à Pierre Ruas dudit St Remy ..... aux enfans et hoirs de feues Thounete, Loyse et Honnorade Chamoyse, ses feues filles ..... héritier universel, François Chamoys, son filz légitime et naturel et de ladite de Baumes, sa femme .....
Note N° : 190
Descripteur connexe de cette note : [Rue du Petit Puits,129]
Descripteur connexe de cette note : [Pénitents noirs,187]
Descripteur connexe de cette note : [Rivarel,345]
Descripteur connexe de cette note : [Chamois,357]
Descripteur connexe de cette note : [Chabrand,52]
Descripteur connexe de cette note : [Réal,148]
Descripteur connexe de cette note : [Perotat,386]
Descripteur connexe de cette note : [Orfe,729]
15-05-1581, Aymes Bertrand, f°218 v° N°190 Achept de maison pour la Confrayrie des frères pénitentz noyrs de Saint Remy contre Loys de Chabert, escuyer de Barbentane ... estably en personne, Loys de Chabert, escuyer, habitant du lieu de Barbentane, lequel ... a vandu ... à la Confrayrie sous (?) chappelle des pénitentz noyrs dudit Sainct Remy, présents, Sire Jean ..?.. , recteur de ladite chappelle, avec noble Hugues Dutruel, viguier pour le Roy dudit Sainct Remy, Sire André Vincens, François Chamois, Jean Chabrand, Sperit Rivarel, Bertrand Chanevas, Antoine Bigaud, Laurent Réal, Jacques Perrotat et Pascal ..?.. tous habitans dudit Sainct Remy et confrères de ladite chapelle ..... une maison ... naguère acquise de Jean ..?.. assise dans ladite ville de Sainct Remy et à la rue appellée du Petit Puys, confrontant du levant ladite rue, et du couchant maison ..?.. du Sieur d'Eyguières, du midi maison de François Orffe et ladite chappelle ..... maison des hoirs de Honorat B.... .....
Note N° : 224
Descripteur connexe de cette note : [mariages,200]
Descripteur connexe de cette note : [Camaret de,232]
Descripteur connexe de cette note : [André,220]
Descripteur connexe de cette note : [Dallen,162]
Descripteur connexe de cette note : [Cappeau,202]
Descripteur connexe de cette note : [Paul de, Pau de,418]
Descripteur connexe de cette note : [Tieulloy du,420]
23-09-1593, Gervais Cappeau, f°798 v° N°224 Mariage faict et passé entre Sie Pierre André, bourgeoys de Sainct Remy, d'une part et Damoyselle Susane de Pau, d'aultre ... entre Sire Pierre André, bourgeois de ceste ville de Sainct Remy, diocèze d'Avignon, d'une part, et Damoyselle Susane de Pault, filhe légitime et naturelle à feuz Sire Loys de Pault et Dame Isabeau de Millan, en leur vivant mariéz de la ville de Sallon, diocèze d'Arles, d'aultre ..... ... ladicte de Pault deuement assistée de Sire Jean Dallen, son beau fraire, de Damoyselle Catherine de Pault, sa seur, de Sire Antoine de Millan, son cousin maternel, de Damoyselle Iolland de Pault, femme au Sieur de Manville du lieu des Baulx, sa cousine paternelle ..... ... ladite Susane de Pault, pour soy et ses heoirs, c'est constituée et assignée en doyre ... la somme de 400 escus sol au feur de 60 soluz pièce ..... Faict et publyé en ladicte ville de Sainct Remy et dans la salle de la maison d'habitation dudit Sire Jean Dallen, en présence de Monsieur Jean de Pourcellet, escuyer de Mailhanne, Monsieur Hugues Dutrueil, escuyer et viguier, Sire Pierre Camaret le vieulx, Sires Estienne Cappeau, Pierre Bérard, bourgeoys, et Jean de Tioulloy, escuyer, et Cappitene Pierre Guiolly dudict Sainct Remy, tesmoings requis et appellés, tous signés suivant l'ordonnance .....
Note N° : 363
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral François de,15]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Mas de Nierne,77]
Descripteur connexe de cette note : [Romanin,1]
Descripteur connexe de cette note : [Mignot,168]
17-03-1573, Aymes Bertrand, f°144 v° N°363 Donnation pour Damoyselle Loyse de Sainct-André, dame de Don ... establie en personne noble Catherine de Mistral, dame de Romanin, habitant de ladicte ville, laquelle auroit dict et exposé à mondict Sr le juge, considérant, comme elle a dict, la grand amour, singullière affection et bonne volonté que Dlle Loyse de Sainct-André, dame de Don, sa belle-seur, vefve à feu noble François de Mistral, en son vivant seigneur dudict lieu de Don et frère de ladicte dame, luy a tousiours pourté et pourte, les bons et agréables services qu'elle luy a tousiours faictz, tant du vivant dudict Sieur de Don, son mary, que depuis son trespas, et ne cesse de fere, ne s'estant vollue remarier, ains se serait tousiours tenue avec ladicte dame, s'employant fidellement après sa personne et affaires en sorte que ladicte Damoyselle de Sainct-André mérite d'estre recogneue et récompensée, ce que de long temps ladicte dame auroit délibéré fere. Considérant aussi ladicte dame de Romanin, et estant bien mémoratifve, ainsi qu'elle a dict, que par le contract de donnation par elle faicte à noble Paul de Mistral, seigneur de Croses, son nepveu bien aymé, filz dudict feu François de Mistral et de ladicte Damoyselle, receu par feu Me Jehan Badinenc, en son vivant notaire dudict Sainct Remy, et jcelle Dame se seroit expressement retenue et réservée le mas par elle acquiz des Mignotz, avec tout son affar et ténemens, pour d'iceulx fere et disposer à son plaisir et volonté.(29-04-1570, Jehan Badinenc, f°253 r°) Pour lesquelles causes ... ladicte Dame Catherine de Mistral auroit résolu ... fere et passer donnation à ladicte dame de Don des fruictz du dict mas, son ténemens et affar, pour en tenir après son trespas lesdictz fruictz, tant que ladicte dame de Don vivra, et après son trespas, lesdictz fruictz estre consolidés avec la propriété que fere et veult que soit et appartienne audict Sr de Croses, sondict nepveu ..... ... ledict mas et affar appellé des Mignotz, avec tous son ténement et appartenances, quoy qu'ilz contiennent, acquis par ladicte Dame de Mestrail, tant desdicts Mignotz que plusieurs aultres particuliers ... assis et scitué au terroir dudict Sainct Remy, lieu dict à Nyerne, confrontant du levant le terroir de Romanin, du midy les calans, du couchant et bise les terres des Almérans, Srs Hugues et Jehan Dutruel, Thomas Mignot et autres .....
Note N° : 397
Descripteur connexe de cette note : [Navarry,163]
Descripteur connexe de cette note : [Nostredame de,128]
Descripteur connexe de cette note : [Gros,339]
Descripteur connexe de cette note : [Galle,387]
Descripteur connexe de cette note : [Durand Alexis,206]
12-06-1591, Pierre Badinenc, f°167 r° N°397 Testement de Sire George Navarry de Sainct Remy ... lègue ..... à Jaumette Argelliere, femme à Paul Navarry, son fils ... plus a légué ledict testateur à honneste femme Phélimonde du Truel vefve à feu Ymbert Motin ... plus a légué ledict testateur ... à honneste femme Jeanne Gros, sa femme ... à Thounette Montforte et Damary de Nostredame femmes respectivement à Jean et Symon Navarry, ses enfants ... plus ... à honneste femme Jeanne du Truel, femme à Jan ..?.. et à Marquise du Truel, femme à Me Alexis Durand .. plus a légué ledict testateur ... à Jacques Galles et Margueritte Navarry, mariés, et à François B..?.. et Janne Navarry aussi mariés dudict Sainct Remy ... héritiers universels ... scavoir est lesdicts Jean, Symon et Paul Navarry sesdicts enfans légitimes et naturels et de feue Anne du truel, sa première femme ....... s'ensuit : la part dudict Jan la part dudict Symon la part dudict Paul
Note N° : 429
Descripteur connexe de cette note : [Pénitents noirs,187]
Descripteur connexe de cette note : [Rampalle,43]
Descripteur connexe de cette note : [Gorgonier,361]
Descripteur connexe de cette note : [Yves,425]
Descripteur connexe de cette note : [Blondet,223]
Descripteur connexe de cette note : [George,368]
Descripteur connexe de cette note : [Blanc,389]
Descripteur connexe de cette note : [Auran, Orran,390]
€29-07-1567, Pierre Cappeau, f° 514 v° N°429 Prisfaict pour la compagnie des pénitents noyrs contre Jehan Yves et Anthoine Bordaire,maçons de Sainct Remy. L'an mil cinq cens soixante et sept et le vingtneufviesme jour du moys de juillet, en présence de moy, notaire, et témoings soubznommés, personnellement establys, honorables personnes, Me Claude Blondet, procureur du Roy, gouverneur, Sieur Hugues du Truel, soubz gouverneur, Aymes George, accesseur, Dominique Gorgonnier, Anthoine Rampalle, Gervays Blanc et Nicolas Orran, conseilliers et confrères de la vénérable compagnie des pénitents noirs de ceste ville de Sainct Remy, érigée soubz le nom et tiltre de Jhésus, lesquels, suyvant la délibération de ladite compagnie et en suite l'adveu de tous les autres confrères de ladite compagnie, pour et au nom d'icelle, de leur bon gré, pour eux et leurs successeurs, ont baillé à prisfaict à Me Jehan Yves et Anthoine Bordaire, maçons dudit Sainct-Remy, et à tous deux ensemble, ung pour l'autre et chascun d'eux seul pour le tout, sans division.....................que ledit Bordaire soyt absent, ledit Yves, avec moy, notaire, comme personne publique présant et estipullant pour eux ................ leur et de par lequel Bordaire, ledit Yves s'est faict fort et a promys fere ratiffier le présent acte et tout le contenu en ............... dans huict jours prochains, à peyne de tous despens, dommaiges et intérestz et soubz les obligations soubz escriptes, à sçavoir : à fer bastir, édiffier une nouvelle chappelle dans les cloistres et cercuit du prieuré et église de Sainct Pierre dudit Sainct Remy, près et joignant ladite église, où à présent est ladite chapelle et au lieu baillé par Monsieur le Révérendissime Archevesque d'Avignon, prieur dudit prieuré et autrement au lieu où leur sera dict et monstré soubtz toutesfoys les paches et qualités que s'ensuyvent convenus et accordés entre lesdites parties, que estipullation intervenant. – Et premièrement que ledit Yves prisfachier, tant en son nom que dudit Bordaire sera tenu et debvra, comme a promys.................. démollir et abattre toutes les murailles vieilles estantz à présent en la place où se fera ladite chappelle neufve et, en après, faire et caner les fondementz y nécessaire, de la profondeur et largeur que leur sera dict et commandé à leurs propres despens. – Item, qu'en après, lesdits prisfachiers seront tenus bastir et édiffier les murailles de ladite chappelle nécessaires à pierre menue et pastouire, chaux et sablon, jusques à l'hauteur du sommeron et, en après, icelle muraille couvrir d'ung pont ou crotte en arcade de pierre de taille, bien et deuement joinctuée, bastie et abatunée de bon et suffisant batun et cyment bien faict à bons esgoultz et penctes toute plane avec son rond tel que sera nécessaire, et, si besoing est, y faire deux esgoultz et penctes pour avoir plus aysée vuidange des eaux, le feront. Et aura ladite crotte d'hauteur despuys fleur de terre, sur les fondementz, jusques à la clef du sommet, troys cannes. – Item, que lesdits prisfachiers seront tenus en bastissant toutes les murailles de ladite chappelle, y faire et laysser toutes les portes et fenestres que conviendra et sera advisé faire besoing pour esclarcir et donner jour dans icelle, avec sa grande et petite porte pour entrer et sortir dans icelle chappelle aux lieux où leur sera monstré et dict, dont la grande sera pour entrer et servir d'entrée dans la chappelle vieille et église dudit prieuré de la façon et forme que leur sera commandé, sans toutesfoys aucune mollures ou autre enrichissement. – Item, que lesdits Sieurs prieurs et susnommés au nom de ladite compag,nie, seront tenus fournir et procurer auxdits prisfachiers toute la piere, chaux, sablon et tout autre atraict et matière que conviendra et sera besoing et nécessaire mestre et employer audit prisfaict à leurs despens. – Item, que lesdits prisfachiers, seront tenus, icelle chappelle bastie et couverte, faire et mectre ung autel dans ladite chappelle au lieu et place où leur sera indiqué et monstré. – Item, que lesdits Seigneurs prieurs et confrères auxdits noms seront tenus, comme ont promys, payer, bailler et expédier auxdits prisfachiers pour le prys dudit prisfaict et besoigne, à raison de trente six soulz tournois pour chacune canne carrée, tant plain que vuyde, payables par cartiers en faisant ledit prisfaict et besoigne. – Item, que lesdits prisfachiers seront tenus faire ledit prisfaict et besoigne, bien deuement et en bonne seurte et le tout avoir faict et parachevé à demy Caresme prochain venant et rendre les places et lieuc vuides à leurs despens – Item, que toute ladite besoigne faicte et parachevée, ladite crotte et arcade se mesurera et cannera à senctureau pour mesurer la juste quantité, ensemble le dessus du bardat de ladite crotte, duquel bardat se payera à raison et.............. de l'autre besoigne. – Lequel prisfaict, pache, promission et choses susdites ont promys et promectent, lesdites parties contrahentes respectivement aux noms susdits ................... Faict et passé audit Sainct Remy, dans la boticque de moy, notaire, en présence de Sieur Jehan Chabrand, Imbert Motin et Maistre Anthoine Farnier, maçon de ladite ville, tesmoings à ce requis et appellés. Ceux qui scavent escripre se sont soubz escriptz suivant l'ordonnance, les autres non, pour ne scavoir escripre ainsi qu'ils ont déclairé sur ce enquis. C. Blondet, H. du Truel, Ayme George, D. Gorgonnier, J. Chabrand; I. Mottin. (septembre 1984)
Note N° : 432
Descripteur connexe de cette note : [Pénitents noirs,187]
Descripteur connexe de cette note : [Chamois,357]
Descripteur connexe de cette note : [George,368]
Descripteur connexe de cette note : [Chabrand,52]
€28-01-1592, Gervais Cappeau, f° 65 v° N°432 Promesse pour la compagnie des pénitans noirs de ceste ville de Sainct Remy contre Pierre George et Thomas Deschamps dudit Sainct Remy.. L'an mil cinq cens quatre vingt douze et le vingt huictiesme jour du moys de janvier, environ huict heures du matin, establys maistres Pierre George et Thomas Deschamps, fustiers de ceste ville de Sainct Remy, lesquels de leur gré, pour eulx et les leurs, en quallité de l'ung pour l'aultre et le seul pour le tout, sans division ne discution, ont promis et prometent à la compagnie des pénitens neoirs de ladite ville, Monsieur Hugues Dutruel, gouverneur, le Sire Jean Chabrand, vice-gouverneur et Sire François Chamois, présents et acceptants pour icelle de parachever le sciel deladite chapelle et le faire en la propre forme, quallité et manière de celluy qui est jà faict jusques au bout d'icelle, du cousté de la bize, avec les doublis, arcz et listeaux, cloux et aultres choses nécessaires, de bon et beau bois, étables et essuictz et ce moyenant et parmy le pris et à raison de quinze florins la canne carrée. Payables, scavoir, maintenant, dix sept escus de mesme valleur, lesquelz, lesdits prisfachiers ont eus et réallement receus en troys escus pistolles et doubles soulz parisys des mains de Sire Estienne Farnais, trésaurier de ladite compagnie, des deniers que s'est amassés à sest effect, de manière que, comptant, en ont quicté et quictent ladite compagnie en deue forme, et le reste, incontinent que ladite besougne sera faicte et parachevée, laquelle, lesdits prisfachiers seront tenus avoyr faict et parachevé entre cy et la feste des Rameaux prochaine, bien et deuement comme dictes. Et, pour ce fera, et mieulx accomplir, en ont soubzmis et obligé, lesdites parties, scavoir, lesdits Sieurs viguier, Chabrand et Chamois, tous et chacuns les biens de ladicte compagnie, et lesdits prisfachiers, leurs personnes et biens présents et advenir aux Cours des Submissions de Provence ordinaires et aultres et chacunes d'icelles, et en renonçant à tous les droictz et moyens à ce contrere, ainsy l'a juré sur les escriptures, touchées entre mes mains. Requérant acte. Faict à ma bouticque, en présence de Sire Hospice Michel dudit Sainct Remy, et Pierre Guilhermand, clerc, y demurant, tesmoingz à ce appellés, tous signés suivant l'ordonnance, excepté ledit Deschamps pour ne scavoir escripre, ce enquis. Et moy, Gervais Cappeau, notaire royal dudict Sainct Remy, recepvant soubzigné.
Note N° : 437
Descripteur connexe de cette note : [Prieuré Saint Pierre,301]
Descripteur connexe de cette note : [Barrel,313]
Descripteur connexe de cette note : [George,368]
Descripteur connexe de cette note : [Blondet,223]
Descripteur connexe de cette note : [Alméran d',156]
Descripteur connexe de cette note : [Baulmes de,204]
31-12-1563, Jeran Badinens, f°10 v° N°437 Prisfaict pour Jehan Callier et aultres contre Me Aymes George L’an mil cinq cens soixante quatre à la nativité Nostre Seigneur et le pénultième jour du moys de décembre, estably en sa personne Me Aymes George, fustier de Sainct Remy, lequel pour luy et les siens a promis et promet aux.Sieurs Jehan Callier, Huguetz du Truel, Claude Blondet et Johachim Fernays dudict Sainct Remy, présentz pour eulx et les leurs, fere parfere et édiffier des bancs à doucier avec codière et s... au devant et devant lesdictes codières et planches de dessous tout alentour de la chapelle Sainct Pierre d.. la ..... au bas et jceulx fere des ornemens de la haulteur de six pans avec une corniche au dessus et les codières et bancs de la haulteur nécessaire et faire au myllieu troys cadières et jcelle du myllieu plus haulte que les aultres le tout du boys de sappin bon et souffizant boys. Et ce pour le pris et à raison de deux escus de pistolles vallant 48 soulz la pièce la canne et se canera tant plain que vuyde ormis la partie alentour de la chapelle que ne se canera poinct, de laquelle somme et pris ledict Aymes George .etc...... ... faict audict Sainct Remy et dans ladicte chappelle en présence de Sr Jacques Alméran, Mre Balthezard de Baulmes, chanoyne, et Vallentin Barrel, tesmoings à ce appellés ..... (signalé par Henri Rolland)