Il y a 14 notes dans les archives du XVI ème Siècle.


Le critère de recherche était: [Mistral François de]

Note(s)
Note N° : 6
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (2) de,27]
Descripteur connexe de cette note : [Saint-André Loyse de,22]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Baulmes de,204]
Descripteur connexe de cette note : [Mas de Nierne,77]
Descripteur connexe de cette note : [Romanin,1]
Descripteur connexe de cette note : [Dutruel,215]
Descripteur connexe de cette note : [Mignot,168]
Descripteur connexe de cette note : [Alméran d',156]
29-04-1570, JehanBadinenc, f°253 r° N°6 Donation pour Paul de Mistral, Sr de Croses L'an mil cinq cens septante et le vingt neufviesme jour du mois d'avril, régnant le très nostre Charles, par la grâce de Dieu, Roy de France, Comte de Provence, Forcalquier et Terres adjacentes, procédant moy, notaire royal estably à la présente ville de Sainct Remy, et en présence des tesmoingtz soubz només. Personnellement establie Damoyselle Catherine de Mistral, Dame de Romanil, de ladicte ville de Sainct Remy, laquelle se sovenant de la bonne vollonté et amour que feu François de Mistral, son frère, en son vivant Sr de Don, luy a toujours porté et de plusieurs grandz faveurs et plaisirs que luy a faict, mesmes que se soyt venu retirer dans la maison de ladicte de Mistral, en laquelle il auroyt fini ses jours ......?...... que en son immitation, Pol de Mistral, son fils unique et héritier fera et continuera de bien en mieulx et pour la grande amour qu'elle lui porte, tant par le respect de son dict feu père que, aussi, pour ce que est son plus proche parent et de son sang, portant son surnom et armes, auroyt faict son testement par lequel jcelle Dame de Mistral l'auroyt institué son héritier universel con....? ...?... bonne vollonté et recognoissant plusieurs ....?... et bons services que Damoyselle Loyse de Sainct André, sa belle-soeur, mère dudict Pol et vefve dudict feu François, son dict frère, luy a toujours faict et ne cesse journellement de fere et afin que ledict Pol, sa dicte mère recognoyssent par effet de bien en mieulx sa bonne vollonté, et que pour l'advenir ne puysse avoyr aucun procès, question ne débat entre ses aultres parens qui pourroyent préthendre aulcun droict ou susseption à l'advenir sur les biens et héritaige de ladicte Dame de Mistral, laquelle de son bon gré, pure, franche et liberalle vollonté pour elle et les siens et que ainsi luy plait, a donné et par ces présentes donne par pure, simple, ferme et irrévocable donnation et que se dict estre faicte entre vifz, audict Pol de Mistral, seigneur de Croses, son dict neveu bien aymé, combien que soyt absent, ladicte damoyselle de Sainct André, sa dicte mère et tuteressse présente, aceptante, avec moy, notaire royal soubzsigné, pour ledict Pol de Mistral estippulantz, tous et chacuns ses biens meuble, immeuble et par soy mouvement, noms, droictz et dactions quelconque présent et advenir assis et scitués tant dans la présente ville de Sainct Remy, son terroyr que ailleurs en quelque part, lieu ou plasse qu'ilz puissent estre assiz et scitués et que de présent lui compectent et appartienent et que en temps de son trespas luy pourront compecter et appartenir en fasson et manière quelconque pour d'iceulx en fere à son playsir et vollonté tant à la vie que à la mort. Saufz toutesfois que ladicte Dame de Mistral donnatresse c'est réservé et réserve par pache de présent tout et chacun les fruictz et usufruictz de tous lesdicts biens dessus donnés pour jceulx prendre et jouir et en fere à ses plaisirs et vollonté sa vie durand, tant seulement vollant que incontinent après son descès lesdicts fruitz soient consolidés à leur propriété au prouffict et valleur dudict Pol de Mistral, donnataire. Et aussi ladicte Dame donateresse s'est réservé et réserve sur lesdicts biens donnés la somme de mil florins par elle légués en son dict testement receu par M° Pierre Granier, notaire royal d'Eyguières, tant pour son âme que causes pieuses. Pareilhement s'est réservé ladicte Dame et réserve sur lesdicts bien dessus donné la somme de six cens livres tournoys pour en disposer à ses plaisirs et vollontés. Semblablement aussi ladicte Dame s'est réservé et réserve ung sien petit mas qu'elle a acquis des Mignotz, lequel tient de présent en arrantement de ladicte Dame Mathieu de Tharascon, avec son ténement et aultres terres par ladicte Dame acquizes de plusieurs particulliers, joignant audict affar, et que sont assis et situés à Nyerne, terroir dudict Sainct Remy, et quoi que contiennent, confrontant du levant le terroyr de Romanyl, du midy les callans, de couchant et bize terre des Almérans, Hugues et Jehan Dutruel, Thomas Mignot et aultres particuliers dudict Sainct Remy et ses aultres confrons plus véritables si peut en avoir, pour d'icelluy mas, terres et affar en disposer à ses plaisirs et vollonté. Et par semblable donnation que ce dict estre faicte entre vifz, ladicte Dame, donnateresse, a donné et donne à ladicte Damoyselle de Sainct André, sa belle-soeur, présante et acceptante, sa despance de vie et entretenement, sur les biens dessus donnés, ensemble, sa demeurance dans sa maison neufve, tant que ladicte Damoyselle de Sainct André vivra en viduyté seullement. Desquelz biens dessus donné, ladicte Dame de Mistral, donnateresse, avec les réservations susdites, s'est démise et démest et ledict Pol de Mistral, donatère, en a immiscé et mis et fait en bonne et vallable possession par touchement des mains de ladicte de Sainct André, sa dicte mère et tuteresse, à la manière accoustumée. Faict et publié audict Sainct Remy et dans la maison de ladicte Dame, en présence de Messire M° Balthazard de Baulmes, chanoyne de l'églize collégiale de Sainct Martin, noble homme Nycollas Romyeu, recepveur pour le Roy au Siège d'Arles, habitant dudict Sainct Remy, George de la Coronne, escuyer, homme d'armes à la compagnie de Monseigneur le Comte de Laudun (?) de Donsère, tesmoings à ce appellés qui se sont soubzsignés et moy, nothaire royal
Note N° : 9
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (2) de,27]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Romanin,1]
17-03-1573, Aymes Bertrand, f°142 r° N°9 Confirmation et ratiffication de donation pour Paul de Mistral, escuyer, seigneur de Croses ... establie en personne Damoyselle Catherine de Mistral, Dame de Romanin, habitant dudict Sainct Remy, laquelle auroit dict et exposé à mondict Sieur le Juge, estre bien recordable et mémoratifvz avoir faict et passé donnation universelle de tous et chacuns ses biens, droictz et actions quelconques en faveur de Paul de Mistral, escuyer, Sr de Croses et de Don, son nepveu bien aymé, filz à feu François de Mistral, escuyer, en son vivant Sr des dicts lieux, fraire de ladicte Dame, soubs les réservations , qualités et condictions plus à plain contenues en l'acte de ladicte donnation prins et receu par feu M° Jehan Badinenc, notaire royal dudict Sainct Remy sur l'an 1570 et le (en blanc) jour du mois de (en blanc) et pour ce que, lorsque ladicte Dame passa ladicte donnation, n'y avoit accistance desdicts Sieurs juge et consulz ..... Or est-il que les an et jours susdicts, establie ladicte Dame de Romanin, laquelle ... ratiffie ... la susdicte donnation .....
Note N° : 136
Descripteur connexe de cette note : [Puget de,53]
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Romanin,1]
Descripteur connexe de cette note : [Gérente Blanche de,407]
27-05-1559, Jehan Badinenc, f°337 r° N°136 Quictance pour Damoyselle de Jérente, faicte par Damoyselle Loyse de Sainct André, vefve à feu François de Mistral ... quatre escus d'or sol et ce, pour le prix et vante d'une pelisse de menus vers vandue par ladicte Damoyselle de Sainct André à ladicte Damoyselle Jérante pour faire la robe de deul de ladicte Jérente ..... ... faict ... en ladicte ville de Sainct Remy, dans la maison de Damoyselle Catherine de Mistral, dame de Romanil, en présence de Laurens Perrier et Pierre Puget, escuier dudict Sainct Remy ..... (note du Dr Leroy)
Note N° : 246
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Don Seigneur ou Dame de,78]
21-12-1563, Aymes Bertrand, f°168 v° N°246 Arrantement de bestail por damoiselle Loyse de Sainct André contre Benoit Martin ... estably en personne Damoyselle Loyse de Sainct André, vefve à feu François de Mistral, en son vivant escuyer, sr de Don, ... laquelle ... a arranté ... à Benoict Martin, mesnager dudict Sainct Remy, la quantité de 125 bestes .....
Note N° : 261
Descripteur connexe de cette note : [Alméran d',156]
Descripteur connexe de cette note : [testaments,201]
Descripteur connexe de cette note : [Puget de,53]
Descripteur connexe de cette note : [Saint-André Loyse de,22]
Descripteur connexe de cette note : [Achard d',29]
Descripteur connexe de cette note : [Place Catherine de la,30]
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Brancas Silvye de,4]
Descripteur connexe de cette note : [Baulmes de,204]
Descripteur connexe de cette note : [Nostredame de,128]
Descripteur connexe de cette note : [Bertrand,152]
18-09-1578, Aymes Bertrand, f°413 r° N°261 Testement de noble Paul de Mistral, escuyer, Sr de Croses ... estably en personne Paul de Mistral, escuyer, Sr et baron de Croses et de Don, gentilhomme ordinaire de la chambre du Roy, enseigne de la compagnie de Monsieur de Mondragon, habitant dudict Sainct Remy, lequel ... veult ... estre enterré et ensepvelli dans l'église collégialle Sainct Martin dudict Sainct Remy et au tombeau où sont ensepvellis feuz François de Mistral, escuyer, Sr de Croses et de Don, son très honnoré père, ensemble noble Catherine de Mistral, dame de Romanin, sa très honnorée tante et autres ses parentz prédécesseurs ... a légué et lègue ..... à Damoyselle Silvie de Brancas, sa très chère femme bien aymée ..... contraict de mariage prins et receu par Me Barrer, notaire royal et appostolic de la cité d'Avignon, les an et jour y contenus (23-01-1576) ..... à Damoyselle Catherine de la Place, femme à noble Pierre d'Achard, Sr d'Espenel, sa cousine germaine ..... à noble Hugues du Truel, viguier pour le roy en ladicte ville, son curateur et bon amy ..... à cappitaine Anthoine d'Alméran, escuyer, gensdarmes de ladicte compagnie dudict Sr de Mondragon, habitant dudict Sainct Remy, son bon et loyal amy ..... à cappitaine Remy de Baulmes, gendarme de ladicte compagnie, habitant dudict Sainct Remy, son bon et loyal amy ..... à cappitaine Claude de Nostredame dudict Sainct Remy, gendarme de ladicte compagnie, aussi son bon et cordial amy ..... à Paul Bertrand, filz de moy dict notaire, son filhol, pour la bonne amitié qu'il luy porte ..... héritière universelle: Damoyselle Jane de Mistral, sa filhe légitime et naturelle et de ladicte Damoyselle Silvie de Brancas, sa femme ..... lui substitue ... noble et honnorable dame Loyse de Sainct André, dame de Don, sa très honnorée dame et mère ..... puis ... Paul Anthoine de Puget, escuyer de la cité d'Avignon, son cousin germain bien aymé ..... Faict et publié audict Sainct Remy et dans la maison de moy dict notaire ..... (Paul de Mistral signe: Croses) Nota : Henri Rolland dans "Les origines du Poète Frédéric Mistral", Saint Remy, Les amis du vieux Saint Remy, 1968, p.22, signale un second testament du 06-11-1592, Me Bijaudi, notaire à Barbentane
Note N° : 280
Descripteur connexe de cette note : [Mistral de,23]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Pontevès de,50]
16-06-1572, Aymes Bertrand, f°291 r° N°280 Procuration pour Paul de Maistral, Sr de Crozes ... estably Paul de Maistral, escuyer de Crozes et de Don, filz et héritier universel de feu François de Maistral, en son vivant escuyer, Sr desdicts lieux, habitant dudict Sainct Remy, moindre de 25 ans, majeur de 14 ... lequel ... a faict et constitué son procureur ... Pierre de Pontevès, escuyer de la ville de Chabueil en Daulphiné .....
Note N° : 289
Descripteur connexe de cette note : [mariages,200]
Descripteur connexe de cette note : [Puget de,53]
Descripteur connexe de cette note : [Saint-André Loyse de,22]
Descripteur connexe de cette note : [Montdragon Paul de,39]
Descripteur connexe de cette note : [Mistral de,23]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Brancas Silvye de,4]
23-01-1576, Louis Barrier, Avignon, f°39 v°, AD84, 3E10/131 N°289 Traicté de mariage entre Messire Paul de Mistral, sgr de Croze et Damoyselle Silvye de Brancas ... entre Messire Paul de Mistral, seigneur de Croze, enseigne d'une compagnie de gens d'armes, filz légitime et naturel de feu Messire (François de Mistral) en son vivant sgr dudict lieu de Croze et de Damoyselle Loyse de Sainct André, dame de Don, mariéz, demeurans en leur vivant en la ville de Sainct Remy en Provence, d'une part, et Damoyselle Silvye de Brancas, filhe légitime et naturelle de feu Messire Ammond de Brancas, sgr et baron d'Oyse, Malbec et de plusieurs autres places, et de Madame Catherine de Joyeuse, mariéz vivant ledict feu sgr d'Oyse, d'autre ..... ... personnelement establies lesdictes parties, aussi Messire Gaspard de Brancas, sgr et baron, entre autres places, desdicts lieux d'Oyse et Malbec, chevalier de l'ordre du Roy et guidon de la compagnie de Mgr comte de Carces, lieutenant du Roy et grand séneschal en Provence, et ladicte dame Catherine de Joyeuse, mère et frère respectivement de ladicte damoyselle Silvye ... ledict Sr de Croze du voloir, advis et consentement de Messire Paul de Montdragon, chevalier dudict ordre, cappitaine de 50 hommes d'armes des ordonnances de sa Majesté et seigneur dudict lieu de Montdragon, son oncle, de Sr François de Puget, chevalier de l'ordre de Sainct Jean de Hiérusalem, commandeur de Durbans, et de Paul-Antoine de Puget, escuyer, sgr de Sa..ins, ses cousins ... ladicte damoyselle Silvye de la licence, advis et consentement de ladicte dame Catherine de Joyeuse, sa mère, dudict Sgr d'Oyse et de Mre (blanc) de Brancas, sgr de Villars, ses frères .....
Note N° : 341
Descripteur connexe de cette note : [Mistral de,23]
Descripteur connexe de cette note : [Mistral Nicolas,31]
Descripteur connexe de cette note : [Mistral de,23]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
17-01-1595, Pierre Badinenc, f°22 r° N°341 Cession et transport pour (blanc) Au nom de Dieu, comme ainsi soyt que noble Nicollas Mistral, prieur et seigneur du Bourg lès Vallence, heust faict bastir en l'esglise Sainct Appolinard dudict Vallence et au millieu du cloistre, une chapelle, laquelle, aux troubles Sainct Michel [29-09-1567, d'après Bulletin d'Archéologie et de Statistique de la Drôme, 1923, N°219, p.253], fust presque ruynée et desmolie, laquelle chapelle auroyt despuys appartenu à noble François Mistral, seigneur de Don, héritier dudit Sr et maintenant appartiendroit à noble Paul de Mistral, seigneur et baron de Crozes, conseigneur de Mirabel et de Barbentane, gentilhomme ordinaire de la chambre du Roy et commandant pour son service au Viguerie de Tharascon, héritier dudict Sr de Don, faisant sa résidance en Provence, qui désirerait maintenir jcelle en la maison et famille de ceulx qui sont du nom et armes. Pour ce ... estably en personne ledict Sr baron de Crozes, lequel ... a cédé à noble Joachim de Mistral, son cousin, seigneur d'Entremont, conseiller du Roy en sa court de parlement de Daulphiné, absent ... ladite chapelle et tout le droict que pour raison d'jcelle luy pourroyt apartenir en soit que ce soyt, pour en jouyr par ledict Sieur Mistral comme feroyt ledict Sr de Crozes, le metant quand à ce à son propre droict, lieu et place et comme fondateur de ladicte chappelle, octroyant de ce estre faict acte du priffaict dudict Sieur d'Entremont. Faict et récité à la ville de Sainct Remy et dans la grande salle neufve de la maison dudict Sr de Crozes .....
Note N° : 351
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Romanin,1]
Descripteur connexe de cette note : [Mestre, Mestresse,412]
Descripteur connexe de cette note : [Roy, Rey, Reine,372]
21-09-1562, Jehan Badinenc, f°472 N°351 Vente de pension (titre et folio à revoir) ... honnorables hommes Sires Bathélemy Pichony, Pierre Mestre et Jehan Rey, consuls modernes ... ont vendu ... à Paul et François de Maistral, escuyers, fils et heoirs à feu François de Maistral, en son vivant seigneur de Don et Crozes, habitans de Sainct Remy, absents, Damoyselle Loyse de Sainct André, leur mère et tutresse, présente ... une pention ou rente annuelle et perpétuelle de la somme de 200 florins de Provence ... moyenant et par le prys et somme de 600 escus d'or pistolles vallant 48 sous la pièce revenant au fur du denier douze ..... ... faict ... dans la maison de Damoiselle Catherine de Maistral, dame de Romanin ..... (extrait notes du Dr Leroy)
Note N° : 363
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Mistral Catherine de, dame de Romanin,14]
Descripteur connexe de cette note : [Mistral Paul (1) de,13]
Descripteur connexe de cette note : [Don Seigneur ou Dame de,78]
Descripteur connexe de cette note : [Mas de Nierne,77]
Descripteur connexe de cette note : [Romanin,1]
Descripteur connexe de cette note : [Dutruel,215]
Descripteur connexe de cette note : [Mignot,168]
17-03-1573, Aymes Bertrand, f°144 v° N°363 Donnation pour Damoyselle Loyse de Sainct-André, dame de Don ... establie en personne noble Catherine de Mistral, dame de Romanin, habitant de ladicte ville, laquelle auroit dict et exposé à mondict Sr le juge, considérant, comme elle a dict, la grand amour, singullière affection et bonne volonté que Dlle Loyse de Sainct-André, dame de Don, sa belle-seur, vefve à feu noble François de Mistral, en son vivant seigneur dudict lieu de Don et frère de ladicte dame, luy a tousiours pourté et pourte, les bons et agréables services qu'elle luy a tousiours faictz, tant du vivant dudict Sieur de Don, son mary, que depuis son trespas, et ne cesse de fere, ne s'estant vollue remarier, ains se serait tousiours tenue avec ladicte dame, s'employant fidellement après sa personne et affaires en sorte que ladicte Damoyselle de Sainct-André mérite d'estre recogneue et récompensée, ce que de long temps ladicte dame auroit délibéré fere. Considérant aussi ladicte dame de Romanin, et estant bien mémoratifve, ainsi qu'elle a dict, que par le contract de donnation par elle faicte à noble Paul de Mistral, seigneur de Croses, son nepveu bien aymé, filz dudict feu François de Mistral et de ladicte Damoyselle, receu par feu Me Jehan Badinenc, en son vivant notaire dudict Sainct Remy, et jcelle Dame se seroit expressement retenue et réservée le mas par elle acquiz des Mignotz, avec tout son affar et ténemens, pour d'iceulx fere et disposer à son plaisir et volonté.(29-04-1570, Jehan Badinenc, f°253 r°) Pour lesquelles causes ... ladicte Dame Catherine de Mistral auroit résolu ... fere et passer donnation à ladicte dame de Don des fruictz du dict mas, son ténemens et affar, pour en tenir après son trespas lesdictz fruictz, tant que ladicte dame de Don vivra, et après son trespas, lesdictz fruictz estre consolidés avec la propriété que fere et veult que soit et appartienne audict Sr de Croses, sondict nepveu ..... ... ledict mas et affar appellé des Mignotz, avec tous son ténement et appartenances, quoy qu'ilz contiennent, acquis par ladicte Dame de Mestrail, tant desdicts Mignotz que plusieurs aultres particuliers ... assis et scitué au terroir dudict Sainct Remy, lieu dict à Nyerne, confrontant du levant le terroir de Romanin, du midy les calans, du couchant et bise les terres des Almérans, Srs Hugues et Jehan Dutruel, Thomas Mignot et autres .....
Note N° : 382
Descripteur connexe de cette note : [Mistral de,23]
Descripteur connexe de cette note : [Don Seigneur ou Dame de,78]
Descripteur connexe de cette note : [Réal,148]
13-06-1557, Jehan Badinenc, f°272 v° N°382 Debte pour Monsieur François de Mistral, sgr de Don, contre Claude Réal ... estably Claude Réal, laboureur, habitant de Sainct Remy, lequel ... a confessé ... estre tenu de payer à Monsieur François de Mistralh, escuyer, sgr de Don et Crozes, habitant de Sainct Remy ... la somme de 16 escus d'or sol et ce pour cause de vray et amyable prest .....
Note N° : 383
Descripteur connexe de cette note : [Puget de,53]
Descripteur connexe de cette note : [Mistral de,23]
Descripteur connexe de cette note : [Don Seigneur ou Dame de,78]
13-06-1557, Jehan Badinenc, f°273 r° N°383 Debte pour ledict Sgr de Don contre noble Jehan Puget, sgr de Chasteuil ... estably noble Jehan de Puget, escuyer, sgr de Chasteuil, habitant de la cité d'Avignon, lequel ... a confessé ... debvoyr et estre tenu payer à noble Sgr Monsieur François de Mistralh, sgr de Don et Crozes, habitant de Sainct Remy .....
Note N° : 384
Descripteur connexe de cette note : [Saint-André Loyse de,22]
Descripteur connexe de cette note : [Mistral de,23]
Descripteur connexe de cette note : [Don Seigneur ou Dame de,78]
07-06-1560, Jehan Badinenc, f°427 r° N°384 Achept d'avoyne pour Damoyselle Loyse de Sainct André contre Roustang Féraud ... estably en sa personne, Roustang Féraud, lequel a vandu à Damoiselle Loyse de Sainct André, vefve à feu Mgr de Don ... la quantité de 24 sommées avoyne .....
Note N° : 385
Descripteur connexe de cette note : [Mistral de,23]
Descripteur connexe de cette note : [Don Seigneur ou Dame de,78]
Descripteur connexe de cette note : [Romanin,1]
11-05-1558, Jehan Badinenc, f°267 v° N°385 Debte pour Monseigneur François Mistral, sgr de Don, contre ledit Espignier ... estably Claude Espignier de Sainct Remy, lequel ... a confessé debvoyr et estre tenu de payer à Monseigneur François de Mistral, sgr de Don et de Crozes ... la somme de 10 escus d'or sol ... pour cause de vray et amyable prest ..... Faict et passé audict Sainct Remy et dans la maison de la dame de Romanyn .....